Aðalfundur Samtaka ferðaþjónustunnar fór fram í vikunni en í aðdraganda hans fór fram rafræn kosning meðal félagsmanna um þrjú af sex sætum í stjórn samtakanna. Og það voru þau Ragnhildur Ágústsdóttir, stofnandi og eigandi Lava Show, Sævar Guðjónsson, framkvæmdastjóri Ferðaþjónustunnar Mjóeyri við Eskifjörð og Björn Ragnarsson, framkvæmdastjóri Kynnisferða – Reykjavik Excursions hlutu kjör í stjórninni til næstu tveggja ára.
Bjarnheiður Hallsdóttir, framkvæmdastjóri Kötlu-DMI og núverandi formaður SAF var svo endurkjörin formaður samtakanna til næstu tveggja ára.