Samfélagsmiðlar

Bóka mest innanlandsflug

Stjórnendum flugfélaga er tíðrætt um mikla uppsafnaða eftirspurn eftir ferðalögum nú þegar Covid-19 faraldurinn er víða í rénun. Og ljóst er að viðskiptavinir American Airlines eru duglegir við að bóka ferðalög þessa dagana því í annarri viku marsmánaðar voru þrír metdagar þegar horft er til sölutekna.

Þetta kom fram í kveðjubréfi sem fráfarandi forstjóri flugfélagsins sendi á starfsmenn þann 16. mars sl. Þar benti hann á að þessi mikla sala væri sérstaklega áhugaverð í ljósi þriggja þátta.

Í fyrsta lagi væri framboðið hjá American Airlines minna í dag en það var árið 2019. Í öðru lagi væru flestir að bóka innanlandsflug sem er almennt ódýrara en alþjóðaflug. Í síðasta lagi væri svo hlutfallslega mun færri að bóka vinnuferðir en áður tíðkaðist.

Þetta kemur fram á vefsíðunni View From the Wing en þar er jafnframt bent á að stuttu fyrir heimsfaraldur, nánar tiltekið í janúar árið 2020, hafi American Airlines sett met í sölu á netinu með því að koma út farmiðum fyrir 63 milljónir dollara á einum degi. Sú upphæð jafngildir 8,2 milljörðum króna á gengi dagsins í dag.

Líkt og Túristi fjallaði um nýverið þá þurfti American Airlines að draga verulega úr áformum sínum um alþjóðaflug í ár vegna endurtekinna tafa á afhendingu Boeing Dreamliner flugvéla.

Nýtt efni

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …