Samfélagsmiðlar

Hætta við flug til Stuttgart 

Ekkert verður af áætlunarferðum Play til þýsku borgarinnar Stuttgart í sumar. Fyrsta ferð var á dagskrá í byrjun júní og ætlunin var að fljúga héðan tvisvar í viku, seinni part dags. Það var því ekki horft til þess að tengifarþegar á leið til Bandaríkjanna myndu nýta sér ferðirnar heldur eingöngu Íslendingar og ferðamenn á leið til landsins.

Nú hefur Play hins vegar tekið flugið til Stuttgart úr sölu og að sögn Nadine Guðrúnar Yaghi, samskiptastjóra Play, þá er ástæðan sú að eftirspurnin meðal Þjóðverja var ekki nægjanleg.

Í stað ferðanna til Stuttgart þá mun Play fjölga brottförum til Parísar og Spánar. Nadine bendir á að eftirspurn eftir ferðum Play til og frá París sé góð og áhugi Íslendinga á ferðum til Spánar mikill.

Þjóðverjar svartsýnni á stöðu mála

Væntingar þýskra neytenda varðandi framtíðina mælast í dag mun lægri en þær voru í ársbyrjun og hafa ekki verið eins litlar síðan í janúar 2009 líkt og Túristi greindi frá í fyrradag. En Þjóðverjar eru stór hluti þeirra ferðamanna sem heimækja Ísland yfir sumarmánuðina.

Yfir sumarmánuðina þrjá árið 2019 innrituðu 57 þúsund þýskir farþegar sig í flug frá Keflavíkurflugvelli. Þeir voru álíka margir sumarið 2018 en aftur á móti miklu fleiri sumarið 2017 eða 75 þúsund.

Samdrátturinn á þessum tíma skrifast helst á tvo þætti, styrkingu krónunnar og minna framboði á flugi milli Íslands og Þýskalands. Þar vegur þungt gjaldþrot Airberlin haustið 2017 en það félag var stórtækt í Íslandsflug frá nokkrum þýskum borgum.

Þar á meðal frá Stuttgart en frá falli Airberlin hefur ekkert áætlunarflug verið í boði þaðan til Íslands. Og nú liggur fyrir að Play mun ekki koma þeim samgöngum á að nýju. Alla vega ekki nú í sumar.

Nýtt efni

Á árinu 2023 minnkaði sala í Danmörku á prentuðum bókum um 70,2 milljónir danskra króna (tæpa 1,5 milljarða íslenskra kr.) en á sama tíma jókst velta með stafrænar bækur, hljóð og e-bækur, um 35,3 milljónir danskra kr. (rúmar 700 milljónir kr). Einmitt þessi breyting kemur illa niður á rithöfundum landsins því tekjur þeirra og forlaganna …

Af þeim sex norrænu flugfélögum sem skráð eru á hlutabréfamarkað þá gengur best hjá hinu norska Norwegian. Félagið stokkaði upp leiðakerfið í heimsfaraldrinum, endursamdi við birgja og starfsfólk og í fyrra skilaði Norwegian methagnaði. Sú niðurstaða skrifaðist meðal annars á þá ákvörðun stjórnenda að draga töluvert úr umsvifunum yfir vetrarmánuðina. Það hefur leitt til að …

Í ágúst 2026 er áætlað að Victorian Fruit and Vegetable Market í höfuðborg Írlands opni dyr sínar á nýjan leik. Markaðurinn hefur verið lokaður í fimm ár og byggingin legið undir skemmdum en með hjálp 25 milljón evra þróunarstyrks er markmiðið að nýr markaður skáki ekki aðeins hinum víðfræga Enska markaði í Cork heldur mörkuðum …

Play tapaði 3,1 milljarði króna fyrir skatt á fyrsta ársfjórðungi í fyrra en núna var tapið 19 prósent hærra eða 3,7 milljarðar króna. Félagið jók framboðið um 63 prósent á milli þessara tveggja fjórðunga en í flota félagsins voru sex til átta þotur í byrjun síðasta árs en núna eru þær tíu. Einar Örn Ólafsson, …

Sjóðir bandaríska flugvélaframleiðandans Boeing minnkuðu um 3,9 milljarða dollara á fyrsta ársfjórðungi. Upphæðin jafngildir 550 billjónum íslenskra króna og skýringin á þessum mikla fjármagnsbruna liggur í endurteknum göllum í þeim flugvélum sem fyrirtækið framleiðir. Af þeim sökum hefur bandaríska flugöryggisstofnunin takmarkað afköstin í verksmiðjum Boeing við 38 Max þotur í mánuði. Þar með þurfa flugfélög …

Fyrr á þessu ári kynnti fyrirtækið til sögunnar Precious Honeyglow anansinn sem er aðeins um 600 1000 grömm að þyngd eða um það bil helmingi minni en hefðbundinn ananas.Í fréttatilkynningu frá fyrirtækinu segir að það kappkosti ávallt að uppfylla óskir kaupenda, hvort sem þær eru um sætara bragð, sjálfbærnisjónarmið og nú – stærð. Hið nýja …

Tekjur Icelandair af farþegaflugi námu rúmlega 27 milljörðum króna á fyrsta fjórðungi ársins og hafa þeir aldrei verið hærri á þessum tíma árs. Sætaframboðið hefur heldur aldrei verið meira en það jókst það um 21 prósent á milli ára og var farþegahópurinn 14 prósent fjölmennari núna en fyrstu þrjá mánuðina í fyrra. Þá stóðu farþegar …

Það seldust 183 þúsund Volvo bílar á fyrsta fjórðungi ársins sem var aukning um 12 prósent frá sama tíma í fyrra. Engu að síður dróst veltan saman um 2 prósent og rekstrarafkoman (Ebit) nam 4,7 milljörðum sænskra króna eða 61 milljarði kr. Það er töluvert undir spá greinenda sem höfðu að jafnaði gert ráð rekstrarhagnaði …