Samfélagsmiðlar

Kjarabætur fyrir stjórnendur og sérvalda starfsmenn samþykktar

Bogi Nils Bogason, forstjóri Icelandair.

Meirihluti þátttakenda á aðalfundi Icelandair í gær samþykkti tillögu stjórnar félagsins um kaupréttakerfi fyrir forstjóra, framkvæmdastjóra og ótilgreinda lykilstarfsmenn. Einn stærsti hlut­hafi félags­ins, líf­eyr­is­sjóð­ur­inn Gildi, hafði greint frá því fyrir fundinn að hann myndi greiða atkvæði gegn til­lög­unn­i. Heimildir Túrista herma að fleiri stórir hluthafar hafi haft efasemdir um kaupréttakerfið.

Engu að síður var tillagan samþykkt og þar með hefur stjórn Icelandair heimild til að úthluta 900 milljónum hluta til framkvæmdastjórnar félagsis og lykilstarfsmanna. Markaðsvirði bréfanna er í dag nærri tveir milljarðar króna en hefur lækkað um fimmtán af hundraði síðan tillagan koma fram fyrir þremur vikum síðan. Lækkunin skrifast á neikvæð áhrif innrás Rússa í Úkraínu á hlutabréfa- og hrávörumarkaði.

Lokagengi hlutabréfa í Icelandair í gær var 1,91 króna á hlut en gengið var 2,25 kr. hlut þegar tillagan var kynnt í síðasta mánuði. Það gengi sem lagt verður til grundvallar þegar kaupréttum verður úthlutað liggur ekki ennþá fyrir samkvæmt upplýsingum frá Icelandair.

Í hlutabréfaútboði Icelandair haustið 2020 var gengið aftur á móti ein króna á hlut og þá tóku allir framkvæmdastjórar Icelandair og forstjóri þátt. Hlutabréfaviðskipti yfirstjórnarinnar námu samtals 76 milljónum króna í útboðinu en þá sátu átta manns í yfirstjórninni. Framvæmdastjórunum var svo fjölgað um einn í fyrra eftir að þrír aðrir höfðu sagt upp störfum sínum.

Heild­ar­fjöldi stöðugilda hjá Icelanda­ir Group var að meðaltali 4.715 á ár­inu 2019 en heildarfjöldi starfsfólks í fullu starfi hjá Icelandair var 2.400 um síðustu áramót. Fjölgaði þeim um eitt þúsund á nýliðnu ári samkvæmt því sem fram kom í ræðu Boga Nils Bogasonar, forstjóra Icelandair, á aðalfundi í gær.

Þar sagði hann Icelandair hefði greitt 26 milljarða króna í fyrra í skatta og gjöld til ríkis og sveitarfélaga sem sé fimmfalt hærri upphæð en flugfélagið fékk í stuðning frá hinu opinbera í heimsfaraldrinum.

Leiðrétt: Í upphaflegri útgáfu fréttarinnar sagði að lokagengi hlutabréfa í Icelandair í gær myndi liggja til grundvallar í kaupréttakerfinu. Sú fullyrðing byggði á skilningi Túrista á kauphallartilkynningu. Hið rétt er hins vegar að stjórn og starfskjaranefnd munu ákvarða þetta atriði. Fréttin hefur því verið leiðrétt.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …