Samfélagsmiðlar

Taka Tenerife fram yfir Mallorca

Ferðaskrifstofan Vita hefur tekið úr sölu ferðir sínar til Mallorca. Áfram verður þó hægt að fljúga héðan beint til spænsku eyjunnar.

Frá Mallorca.

Þó Mallorca hafi lengi fastur liður í dagskrá íslenskra ferðaskrifstofa þá hefur framboð á ferðum þangað verið lítið síðustu ár.

Á komandi sumri var hins vegar útlit fyrir þrjár flugferðir í viku hverri frá Keflavíkurflugvallar til Palma á Mallorca. Nú hefur ferðaskrifstofan Vita, sem er í eigu Icelandair, aftur á móti tekið sínar ferðir úr sölu.

„Við höfum fundið fyrir mun meiri áhuga á Tenerife, Krít og Alicante heldur en Mallorca í sumar. Það var orðið nær alveg uppselt til Tenerife í sumar og ekki rými í áætlun til að bæta við án þess að annað færi út. Þannig að til þess að koma til móts við markaðinn ákváðum við að bæta við sætum þangað á kostnað Mallorca,” segir Þráinn Vigfússon, framkvæmdastjóri Vita, spurður út í þessar breytingar.

Þráinn bætir við að þeir sem nú þegar hafa bókað ferðir til Mallorca með Vita bjóðist full endurgreiðsla á ferðinni. Fólk getur einnig valið um að ferðaskrifstofan hafi milligöngu um skipulagningu á ferð þangað eftir öðrum leiðum eða velja um ferð til annarra áfangastaða með Vita.

Stærstu keppinautar Vita, ferðaskrifstofunnar Úrval-Útsýn og Heimsferðir eru báðar með ferðir til Mallorca á boðstólum og eins ætlar Play að fljúga sínum þotum til eyjunnar vikulega í sumar.

Nýtt efni

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …

Útlit er fyrir að það hægist aðeins um í ferðaþjónustunni á þessu ári miðað við hraðan vöxtinn á síðasta ári. Ísland endurheimti ferðafólkið hraðar eftir heimsfaraldurinn en flest önnur lönd en nú er hægari gangur í bókunum. Þar hafa eldsumbrotin á Reykjanesskaga sín áhrif en hátt verðlag hér á landi fælir líka einhverja frá. Á …