Samfélagsmiðlar

Þýskir neytendur svartsýnni en áður

Væntingar Þjóðverjar um auknar ráðstöfunartekjur hafa ekki mælst lægri í meira en áratug.

Þjóðverjar hafa lengi verið fjölmennir í hópi ferðamanna hér á landi og þeir gefa sér oftar en ekki lengri tíma í Íslandsreisuna en aðrar þjóðir. Framboð á flugi milli Íslands og Þýskalands er líka umtalsvert allt árið um kring.

Það má því gera ráð fyrir að ófáir Þjóðverjar séu að velta fyrir sér ferðalagi hingað til lands þessi misserin. En í ljósi aðstæðna þá gætu fleiri en áður ákveðið að bíða átekta því niðurstöður kannana í Þýskalandi sýna að neytendur þar í landi eru svartsýnni nú en oft áður.

Væntingavísitala þýskra neytenda hefur nefnilega lækkað umtalsvert að undanförnu og mælist nú í mínus 15,5 prósentum í samanburði við mínus 8,5 prósent í mars. Þetta sýna kannanir rannsóknarfyrirtækisins GfK.

Vonir stóðu til að þýska hagkerfið færi á fleygiferð nú þegar heimsfaraldurinn er í rénun en innrás Rússa í Úkraínu og afleiðingar hennar hafa hins vegar breytt stöðunni. Vísitalan sem mælir væntingar Þjóðverja um auknar tekjur hefur til að mynda fallið um 25 prósentustig og ekki mælst lægri síðan í janúar árið 2009.

Aukin verðbólga veldur einnig óróa meðal þýskra neytenda og eins áhrif hækkandi orkuverðs á kaupgetu þeirra samkvæmt því sem segir í niðurstöðum GfK.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …