Íslensku alþjóðaflugfélögin tvö verða ekki ein um áætlunarflugið héðan til höfuðborgar Spánar í sumar.
Því líkt og undanfarin ár gerir spænska lágfargjaldaflugfélagið Iberia Express fyrir Íslandsflugi í sumaráætluninni. Að þessu sinni verða ferðirnar fleiri en áður og yfir lengra tímabil eða frá 11. júní til 29. október. Þar með fjölgar brottförunum í heildina um 37 prósent útskýrir Ane Pérez Castro, upplýsingafulltrúi Iberia Express, í svari til Túrista.
Hún segir skýringuna á aukningunni liggja í miklum möguleikum Íslands sem áfangastaðar að mati stjórnenda Iberia Express. En félagið er systurfélag British Airways og Vueling sem bæði fljúga hingað til lands.
Ágúst er vanalega sá mánuður sem flestir Spánverjar ferðast hingað til lands en framboð á beinu flugi hingað frá Madríd og Barcelona hefur verið takmarkað yfir vetrarmánuðina. Norwegian bauð þó upp á reglulegt Íslandsflug frá þessum tveimur fjölmennustu borgum Spánar veturinn 2016 til 2017 og þá fjölgaði spænskum túristum hér umtalsvert. Í nóvember 2016 komu til að mynda þrefalt fleiri Spánverjar til Íslands en varið hafði á sama tíma árið áður.
