Samfélagsmiðlar

Finnur ekki ferðir Play til New York

Ný flugstöðvarbygging fyrir farþega í alþjóðaflugi frá Stewart flugvelli í New York. Fyrsta ferð Play þangað er á dagskrá í byrjun júní.

Leitarvélarisinn Google rekur sérstaka bókunarsíðu sem ber saman verð á flugi og veitir um leið upplýsingar um hvaða flugfélög fljúga á viðkomandi leið.

Þeir sem nýta þessa Google Flight þjónustu, til að finna flug til og frá New York, fá hins vegar ekki neinar upplýsingar um áætlunarferðir Play frá Stewart flugvelli í New York. En þaðan ætlar Play að fljúga daglega frá og með byrjun júní.

Google Flight gefur því notendum sínum ekki möguleika á að bóka flug með íslenska félaginu til New York frá áfangastöðum félagsins í Evrópu og ekki heldur frá Keflavíkurflugvelli. Þá segir leitarvélin að valkostirnir séu bara þrír, það er áætlunarflug Delta, Icelandair og United. Aftur á móti finnur Google flugferðir frá Stewart þegar nafn flugvallarins er slegið inn eða borgarinnar Newburgh sem er fyrir norðan heimsborgina sjálfa.

Spurður um þessa stöðu þá segir Birgir Olgeirsson, upplýsingafulltrúi Play, að unnið sé að því að bæta úr þessu. Hann vísar jafnframt til þess að Stewart flugvöllur sé vottaður af IATA, alþjóðasamtökum flugfélaga og þar með komi ferðirnar þaðan upp sem valkostur í langflestum flugleitarvélum.

„Þar að auki nær okkar Google-auglýsingaherferð að grípa marga sem eru að leita að flugferðum til og frá New York,“ bætir Birgir við.

Eins og fram kom þegar Play hóf sölu á farmiðum til New York þá er Stewart flugvöllur lengra frá Manhattan en stóru flugvellirnir, JFK og Newark. Birgir Jónsson, forstjóri Play, benti þó á að kostnaðurinn væri miklu lægri þar en á stóru völlunum. Forstjórinn sagði það líka kost Stewart væri með alþjóðaskráningu og kæmi því sjálfkrafa upp í öllum bókunarsíðum.

Nú er hins vegar komið á daginn að það á ekki við um Google Flight leitarvélina enn sem komið er.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …