Samfélagsmiðlar

Íslensku félögin í samkeppni við loftbrú Air France og Delta

Premium Economy farrými í þotum Air France sem fljúga yfir hafið til Bandaríkjanna.

Þotur Air France munu fljúga hátt í tvö hundruð ferðir í viku til samtals fjórtán áfangastaða í Bandaríkjunum í sumar. Þetta er um fimmtungi fleiri ferðir en sumarið 2019.

Í flestum tilvikum er ferðinni heitið frá flugvöllum Parísar til New York því Air France gerir ráð fyrir allt að átta ferðum á dag á þeirri leið. Tvær þeirra eru reyndar á vegum Delta flugfélagsins sem lengi hefur unnið náið með franska félaginu.

Í tilkynningu frá Air France eru þessar tíðu ferðir kynntar sem sérstök skutlþjónusta á milli heimsborganna tveggja. Frá og með byrjun júní munu farþegar nefnilega geta valið á milli brottfara frá París til New York með eins til tveggja klukkutíma millibili yfir daginn.

Samtals 23 ferðir í viku frá París

Bæði Icelandair og Play leggja áherslu á ferðir frá París í sínum áætlunum. Þotur Icelandair munu þannig fljúga frá frönsku borginni fimmtán sinnum í viku og hjá Play verða ferðirnar átta í viku. Til að halda úti svona mörgum brottförum þurfa íslensku félögin að fá um borð í þotur sínar fjölda farþega sem eru á leið alla leið frá Frakklandi til Bandaríkjanna. Og þá verða ófáir í þeim hópi að setja stefnuna á New York enda vegur sú borg líka þungt í áætlunum Icelandair og Play.

Farþegi sem velur að fljúga frá París til New York með íslensku flugfélögunum má reikna með að ferðalagið taki um 11 klukkutíma. Viðkomandi sparar sér nærri þrjá tíma með því að fljúga beint og hann getur líka sparað sér evrur. Því samkvæmt athugun Túrista eru fargjöldin fyrir beina flugið með Air France og Delta oft lægri en íslensku flugfélögin bjóða á milli heimsborganna tveggja. Alla vega eins og staðan er í dag.

Fjölbreyttari farþegahópur

Í því samhengi verður þó að hafa í huga að í Parísarflugi Icelandair og Play er fjöldi farþega sem er á leið til Íslands eða annarra borga vestanhafs. Þar með stjórnast fargjöldin hjá íslensku félögunum að fleiri þáttum en því hvað beint flug milli Parísar og New York kostar hjá keppinautunum.

Auk Air France þá bjóða flugfélögin United, American, La Compagnie og French Bee líka upp á daglegar ferðir frá París til New York.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …