Samfélagsmiðlar

Misdýrt að bæta við farangri

kef taska 860

Það getur verið álíka dýrt að borga undir ferðatösku og farþega í flugi til og frá landinu.

Þar til fyrir fimm árum síðan fengu farþegar Icelandair, á leið til Norður-Ameríku, að innrita tvær ferðatöskur án þess að borga aukalega fyrir. Farangursheimildin var svo samræmd því sem tíðkaðist í Evrópufluginu í ársbyrjun 2017 og þar með máttu þeir sem bókuðu ódýrustu miðana hjá Icelandair innrita eina tösku. Skipti þá engu til hvaða lands var flogið.

Þessi regla lifði ekki lengi því frá og með haustinu 2017 hafa þeir sem bóka ódýrustu miðana hjá Icelandair ekki rétt á að innrita farangur nema borga aukalega fyrir.

Segja má að félagið hafi á þessum tíma verið að fylgja fordæmi keppinautanna sem margir hverjir höfðu þá þegar kynnt til sögunnar fargjaldaflokk þar sem enginn farangur var innifalinn.

Og í dag er það í raun undanteknin ef flugfélögin sem fljúga til og frá Keflavíkurflugvelli taka ekki aukalega fyrir það að fljúga ferðatöskum milli landa. Alla vega þeim sem þarf að setja í farangursgeymsluna.

Verðlagningin á þessari þjónustu er mjög ólík eins og sjá má á töflunni hér fyrir neðan. Hjá lággjaldaflugfélögunum er verðið ekki alltaf fast heldur breytilegt á milli borga og jafnvel daga. Gjaldið getur líka verið dýrara en farmiðinn sjálfur eins og stundum er raunin hjá Wizz Air.

Hjá hefðbundnu félögunum er farangursheimildin oft það dýr að það borgar sig í raun ekki að kaupa ódýrstu farmiðana og bæta svo við tösku eftir ár. Það er einfaldlega hagstæðara að kaupa miða í næstódýrasta flokki þar sem farangur er innifalinn. Hið breska British Airways býður til að mynda ekki þeim sem eru með ódýrustu miðana að kaupa farangur aukalega.

Í töflunni hér fyrir neðan er aðeins horft til farangurs sem þarf að innrita en flest lágfargjaldafélög rukka líka aukalega fyrir töskur sem komast ekki undir sætin. Hvort Icelandair og fleiri eldri flugfélög fylgi því fordæmi á eftir að koma í ljós.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …