Samfélagsmiðlar

Til skoðunar að bæta við enn fleiri Max þotum

Max þota Icelandair í Berlín.

Icelandair er komið með tólf Max þotur og von á er tveimur til viðbótar fyrir sumarvertíðina. Þær tvær eru teknar á leigu hjá flugvélaleigu í Dubaí. Flugfélagið sjálft er aðeins skráður eigandi að fjórum Max þotum en fleiri gætu bæst við þann hóp fyrr en síðar.

Í svari til Túrista staðfestir Guðni Sigurðsson, upplýsingafulltrúi Icelandair, að tækifæri til að bæta við Max vélum séu til skoðunar og þar sé bæði horft til þess að kaupa vélar og leigja.

Guðni bendir á að niðurstöður mats á flotastefnu Icelandair hafi sýnt að núverandi samsetning flugvéla henti vel til næstu ára enda hafi Max vélarnar komið afar vel út í rekstrinum.

Í því samhengi má rifja upp að Icelandair hefur náð að nýta þoturnar í ferðir á lengstu flugleiðunum í leiðakerfi félagsins enda hafa þær hafa reynst langdrægari en upphaflega var reiknað með.

Það má líka ljóst vera að endurnýjun flugflotans eru ein helsta forsenda þess að Icelandair nái að draga umtalsvert úr losun gróðurhúsalofttegunda vegna rekstursins. Boeing 757 og 767 þotur félagsins eru komnar til ára sinna og nota því mun meira eldsneyti en þær nýju. Nú þegar olíuverð er mjög hátt þá er hvatinn til að draga úr notkun þeirra gömlu meiri.

Til marks um það þá voru Max þotur nýttar í sjö af tólf áætlunarferðum Icelandair í morgun. En um leið dregst framboðið saman því í nýju flugvélunum eru færri sæti en í þeim gömlu. Með Boeing 757 flugvélunum komast 183 farþegar en aðeins 160 í Max 8 og sætin í Max 9 eru 178.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …