Samfélagsmiðlar

Ætluðu að bjóða ódýrara far til Orlando en eru oftast dýrari en Icelandair

Horft yfir Eola vatnið í Orlando.

„Við höfum skoðað það verð sem samkeppnisaðilar okkar hafa boðið upp á til og frá svæðinu og teljum okkur auðveldlega geta boðið mun lægra verð á þessari vinsælu flugleið.“ Þetta sagði sagði Birgir Jónsson, forstjóri Play, þann 23. febrúar sl. þegar flugfélagið hóf sölu á farmiðum til Orlando í Flórída og skoraði þar með Icelandair á hólm í flugi til borgarinnar.

Tveimur dögum áður en Play hóf sölu á flugi til Flórída kannaði Túristi fargjöld Icelandair. Þá kostaði farmiði til Orlando 1. október og heim viku síðar 69 þúsund krónur. Í dag þarf að borga 109 þúsund fyrir miðann og nemur hækkunin 58 prósentum. Aðra daga í október er hækkunin álíka mikil.

Í nóvember hefur farmiðaverðið hjá Icelandair hækkað minna en samt að lágmarki um tíund en oftast er hægt að fljúga fram og tilbaka fyrir tæpar eitt hundrað þúsund krónur. Nokkrar brottfarir í nóvember eru dýrari.

Þrátt fyrir loforð um lægra verð þá eru fargjöld Play almennt hærri en hjá Icelandair bæði í október og nóvember. Verðið er reyndar alltaf það sama eða 115 þúsund krónur án hefðbundins handfarangurs fyrir flug til Orlando og heim aftur.

Þessa tvo mánuði kosta farmiðarnir hjá Play til New York um fjörutíu þúsund krónur eða nærri þrefalt minna.

Það er vel þekkt í fluggeiranum að flugfélög hækki verðið umtalsvert stuttu áður en flugleið er felld niður. Með þessu er komist hjá því að fleiri bóki miða. Spurð hvort hátt farmiðaverð skrifist á mikla eftirspurn eða breytingar á flugáætlun þá segir Nadine Guðrún Yaghi, samskiptastjóri Play, eingöngu að staðan sé óbreytt.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …