Samfélagsmiðlar

Færri bílaleigubílar og verðið hærra

island vegur ferdinand stohr

Sex af hverjum tíu ferðamönnum sem heimsóttu Ísland árið 2019 leigðu sér bíl til að ferðast um landið Það má segja að bílar séu þarfasti þjónn ferðamanna hér á landi en núna eru verðskrár bílaleiganna hærri en þær hafa verið síðustu ár. Þessi þróun einskorðast ekki við Ísland því framleiðsla á nýjum ökutækjum gengur hægt og þar með vantar bíla víða um lönd.

Um þetta háa verðlag og skort á bílaleigubílum hefur verið fjallað hér á Túrista en niðurstöður nýrrar úttektar Ferðamálastofu sýna hins vegar að litlu færri ferðamenn um hvern bílaleigubíl í dag en sumarið 2019.

Þá náði fjöldi ferðamanna hámarki í ágúst þegar hingað komu 252 þúsund ferðamenn. Þá voru um 18 þúsund bílar í skammtímaleigu og því um 14 ferðamenn um hvern bíl. Spá Ferðamálastofu gerir ráð fyrir þriðjungi færri túristum núna eða 189 þúsund manns í ágúst nk. og að bílaflotinn telji 12 þúsund ökutæki. Það verða þá 16 ferðamenn um hvert þeirra yfir háannatímann í sumar.

Sem fyrr segir byggir mat Ferðamálastofu á því að hingað komi talsvert færri ferðamenn í ágúst en á sama tíma sumarið 2019. Framboð á áætlunarflugi í þeim mánuði verður þó ögn meira en þá var samkvæmt talningu Túrista. Hingað gætu því komið álíka margir ferðamenn og fyrir þremur árum og ef það gerist þá verða talsvert fleiri um hvern bílaleigubíl en áður hefur verið.

Hvort þessi skortur á bílaleigubílum eigi eftir að valda bakslagi í bókunum á flugi til Íslands á eftir að koma í ljós.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …