Samfélagsmiðlar

Hætta við ferðir til Flórída

Icelandair verður eitt um flugið milli Íslands og Orlandó í vetur.

orlando skilti 860

Ekkert verður af áætlunarflugi Play til Orlandó í Flórída næsta vetur en flugfélagið hóf sölu á farmiðum þangað febrúar sl. Þá fullyrti forstjóri Play að auðvelt væri að bjóða mun lægra verð en Icelandair á þessari leið.

Verðkönnun Túrista á föstudaginn sl. sýndi aftur á móti að fargjöld Play voru mun hærri en keppinautarins. Þess háttar verðlagning er oft vísbending um að viðkomandi flugleið verði felld niður en í svari Play sagði þó að áformin um flug til Flórída væru óbreytt.

Í gær, fjórum dögum eftir frétt Túrista, fengu farþegar sem áttu bókað far með Play til Orlandó aftur á móti tilkynningu um að ekkert yrði af ferðunum til Flórída næsta vetur. Þessi breyting var líka útskýrð í uppgjöri félagsins sem birt var seinnipartinn í gær. Þar segir að gerðar hafi verið breytingar á flugflotanum og langdrægu þotunni sem fljúga átti til Flórída verið skiptu út fyrir aðra minni.

Spurð nánari útskýringar á þessu þá segir Nadine Guðrún Yaghi, samskiptastjóri Play, að félaginu hafi boðist önnur þota á góðum kjörum og ákveðið hefði verið að stökkva á það.

„Ástandið á flugvélamarkaði eftir að stríðið hófst gerði það að verkum að hægt er að semja um leigu til langs tíma á hagstæðum kjörum. Leigan er þá lægri til langs tíma og greiðslubyrðin minni yfir háveturinn. Við hörmum þau áhrif sem þessi breyting hefur á þá farþega sem hafa bókað með okkur til Orlando. Þetta er hins vegar jákvætt fyrir rekstur félagsins enda ljóst að eldsneytisverð verður í hærra lagi næstu mánuði,“ skrifar Nadine í svari til Túrista.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …