Samfélagsmiðlar

Hafna tilboði upp á 471 milljarð króna

Sjöunda stærsta flugfélagið í Bandaríkjunum er lágfargjaldafélagið Spirit og hefur stjórn þess legið yfir tveimur kauptilboðum síðustu fjórar vikur. Það fyrra kom í febrúar og gengur út á að Spirit sameinist Frontier. Bæði þessu félög eru flokkuð sem últra lágfargjaldafélög og við samrunann yrði til fimmta umsvifamesta flugfélag Bandaríkjanna.

Seinna tilboðið barst í byrjun apríl og þar lýsir stjórn flugfélagsins Jetblue yfir áhuga sínum á að kaupa Spirit fyrir 3,6 milljarða bandaríkjadollara eða 471 milljarð króna. Jetblue er í dag sjötta stærsta flugfélagið á bandaríska markaðnum og er flokkað sem lágfargjaldafélag en þó mildari útgáfa en Spirit.

Það verður þó ólíklega eitthvað úr þessum kaupum því í gær gaf stjórn Spirit það út að viðræðum við Frontier yrði haldið áfram og því ekki farið lengra með tilboð Jetblue.

Stefnt er að því að kynna bandarískum samkeppnisyfirvöldum samruna Frontier og Spirit á seinni helmingi þess árs en sérfræðingar vestanhafs eru ekki á einu máli um hvort sameininginn fái samþykki eða ekki.

Þess má geta að bæði þessi flugfélög eru með sterka tengingu við Indigo Partners, fjárfestingafélagið sem íhugaði kaup á Wow Air. Indigo Partners eru stærstu hluthafar Frontier en áttu áður ráðandi hlut í Spirit.

Nýtt efni

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …

Útlit er fyrir að það hægist aðeins um í ferðaþjónustunni á þessu ári miðað við hraðan vöxtinn á síðasta ári. Ísland endurheimti ferðafólkið hraðar eftir heimsfaraldurinn en flest önnur lönd en nú er hægari gangur í bókunum. Þar hafa eldsumbrotin á Reykjanesskaga sín áhrif en hátt verðlag hér á landi fælir líka einhverja frá. Á …