Þrátt fyrir að eftirspurn eftir flugmiðum hafi aukist og fargjöld séu á uppleið þá lækkar gengi hlutabréfa í norrænna flugfélögum. Markaðsvirði Icelandair hefur til að mynda lækkað um fjórtan prósent síðastliðinn mánuð og niðursveiflan hjá Play nemur átján prósentum.
Þessi þróun hélt áfram í vikunni því gengi bréfa í báðum félögum fór niður á við og það sama gerðist hjá Finnair, Norwegian, SAS og Flyr. Hins vegar hækkuðu bréfin í Norse en það félag hefur áætlunarflug nú í sumarbyrjun.
Hátt olíuverð setur mark sitt á afkomu flugfélaga nú um stundir því þotueldsneyti er um helmingi dýrara í dag en það var um áramótin. Verðið lækkaði þó í vikunni um tólf af hundraði.