Samfélagsmiðlar

Mega ólíklega koma SAS til bjargar

Fyrir Covid skilaði rekstur SAS hagnaði en núna þurfa stjórnendur þess að biðla til kröfuhafa og starfsmanna til að koma félaginu á réttan kjöl.

Bilið milli danska og sænska ríkisins og annarra hluthafa í SAS breikkaði töluvert eftir hlutafjárútboð flugfélagsins haustið 2020. En útboðið var hluti af þeim aðgerðum sem ráðist var í til að koma þessu stærsta flugfélagi Norðurlanda í gegnum heimsfaraldurinn.

Í dag á hvort ríki fyrir sig 22 prósent hlut í SAS en nú þegar annað hlutafjárútboð er í bígerð þá er útlit fyrir að þessir tveir stærstu hluthafar fái ekki að taka þátt. Reglur Evrópusambandsins heimila einfaldlega ekki meiri ríkisstuðning við flugfélagið samkvæmt úttekt sem SAS hefur látið vinna og norska viðskiptablaðið Dagens Næringsliv hefur undir höndum.

Staðreyndin er sú að SAS hefur ítrekað þurft að fá opinberan stuðning og fjórum sinnum á þessari öld. Árin 2009, 2010, 2012 fékk félagið annað hvort inn nýtt hlutafé eða lánsfé úr ríkissjóðum landanna og sem fyrr segir gerðist það líka haustið 2020.

Stærstu hluthafar SAS, danska og sænska ríkið, eru því líka helstu kröfuhafar félagsins.

Það er því mat þeirra lögfræðinga, sem unnið hafa fyrir SAS, að frekari opinber innspýting fengi ekki samþykki hjá ESB.

Stjórnendur SAS verða því að treysta á almenna hluthafa þegar þeir efna til næsta hlutafjárútboðs en áður en að því kemur er ætlunin að fá kröfuhafa, þar á meðal danska og sænska ríkið, til að afskrifa hluta af skuldunum. Einnig er ætlunin að ná hagstæðari samningum við starfsfólk, sérstaklega áhafnir en þær viðræður hafa gengið mjög illa eins og fram hefur komið.

Samkvæmt frétt Dagens Nærlingsliv hefur hið opinbera eignarhald veikt samningsstöðu SAS í yfirstandandi viðræðunum því viðsemjendur þeirra telja næsta víst að félaginu verði bjargað enn eina ferðina.

SAS flýgur til Íslands daglega frá bæði Ósló og Kaupmannahöfn og í sumar bætast við ferðir frá Stokkhólmi.

Nýtt efni

„Metnaðurinn hjá hópnum er einstakur og það eru lífsgæði að starfa með jafn öflugu fólki og hér er að finna hjá Play,“ sagði Birgir Jónsson, forstjóri flugfélagsins, í tilkynningu um síðustu mánaðamót. Nú liggur fyrir að Birgir mun kveðja samstarfsfólk sitt um næstu mánaðamót, nokkrum dögum fyrir þriggja ára starfsafmæli sitt hjá Play. Frá þessu …

Nefnd Alþjóðasiglingamálastofnunarinnar (IMO) sem fjallar um verndun sjávar hóf vikulanga fundalotu í London í morgun þar sem m.a. verður rætt um aðgerðir til að draga úr losun CO2 frá kaupskipaflota heimsins. Vinnuhópur hefur fjallað um þau mál síðustu daga. IMO er stofnun Sameinuðu þjóðanna sem ber ábyrgð á öryggi og vernd skipa og vörnum gegn …

Í tilkynningu sem ráðuneyti sem fer með ríkiskaup Póllands sendi um helgina kemur fram að LOT standi nú frammi fyrir þeirri ákvörðun að halda sig við flugvélar brasilíska framleiðandans Embraer fyrir skemmri flugleiðir eða velja frekar vélar frá Airbus í Frakklandi. Leitað verður til beggja framleiðenda og þeir beðnir um tilboð í smíði 84 flugvéla …

Loftmengun hefur minnkað í Evrópu á síðustu 20 árum, samkvæmt nýrri spænskri rannsókn. Þrátt fyrir þetta sýnir rannsóknin líka að loftmengun víðast hvar í Evrópu er enn yfir heilsufarsmörkum.  Í rannsókninni, sem birtist í Nature, voru mengunartölur skoðaðar á 1.400 svæðum, innan 35 ríkja, þar sem 543 milljónir manns búa.  Þrátt fyrir að enn sé …

„Á tiltölulega skömmum tíma er orðið til öflugt íslenskt lággjaldaflugfélag með framúrskarandi vöru og þjónustu og bjarta framtíð. Virk samkeppni í flugi sem skilar sér í lægri fargjöldum, fjölbreyttum áfangastöðum og verðmætum erlendum gestum er sérstaklega mikilvæg fyrir eyju eins og okkar. Slík samkeppni varðar hagsmuni allra Íslendinga. Ég geng þess vegna ákaflega stoltur frá …

Hvað varð um Graham Potter? spyrja margir fótboltaunnendur nú þegar liðið er næstum eitt ár síðan þessi listhneigði fótboltaþjálfari stjórnaði fótboltaliði frá hliðarlínunni. Chelsea var síðasti áfangastaður Potters en þaðan var hann rekinn þann 2. apríl árið 2023 eftir aðeins sjö mánuði í starfi. Potter mætti til Chelsea fullur af bjartsýni eftir glæsislegan þjálfaraferil í …

Skýrslan Policy tools for sustainable and healthy eating - Enabling a food transition in the Nordic countries er unnin í kjölfar útgáfu Norrænna næringarráðleggina (Nordic Nutrition Recommendations) árið 2023 sem var afrakstur fimm ára vinnu hundruða sérfræðinga um ráðlagðar matarvenjur og næringu fólks á Norðurlöndunum og í Eystrasaltsríkjunum. Sú útgáfa hlaut mikla athygli enda í …

Bílaleigan Hertz stóð tæpt í lok heimsfaraldursins og þá tók forstjórinn Stephen Scherr þá djörfu ákvörðun að panta 100 þúsund bíla frá Tesla. Með þessu átti Hertz verða leiðandi í útleigu á rafbílum og vöktu viðskiptin mikla athygli. Ekki leið á löngu þar til Tesla hafði lækkað verðið á nýjum bílum umtalsvert og um leið …