Samfélagsmiðlar

Skúli minnist ferðalagsins með Wow Air

Wow Air var farið að nálgast Icelandair að stærð þegar mest lét.

Það eru tíu ár í dag frá fyrsta áætlunarflugi Wow Air líkt og Skúli Mogensen, stofnandi og forstjóri flugfélagsins, rifjar upp í pistli á Facebook í tilefni dagsins. Þar sendir hann samstarfsfólki sínu hjá Wow Air hlýjar kveðjur og þakkar þeim fyrir samfylgdina á ógleymanlegu ferðalagi.

Skúli bætir því við að þrátt fyrir ferðalokin þá hafi árangur Wow Air verið merkilegur. Félagið hafi flutt yfir tíu milljón farþega, orðið eitt af stærstu fyrirtækjum landsins á fáum árum og spilað stórt hlutverk í endurreisn íslenska þjóðarbúsins eftir efnahagshrunið.

Og Skúli segir það stundum gleymast að samanlagður hagnaður Wow Air hafi verið meira en milljarður króna á árunum 2012 til 2017. Með Facebook færslunni birtir Skúli mynd þar sem sjá má að rekstrarhagnaður flugfélagsins var samtals 12 milljónir dollara á þessu tímabili. Á meðalgengi tímabilsins jafngildir upphæðin tæpum 1,5 milljarði íslenskra króna.

Fyrsta árið, 2012, var tapið sex milljónir dollara eða 750 milljónir króna á þáverandi gengi. Það ár flutti Wow Air eitt hundrað þúsund farþega sem er nákvæmlega sami fjöldi og Play flaug með í fyrra, á sínu fyrsta ári. Rekstrartap Play var aftur á móti mun meira eða 25 milljónir dollara. Sú upphæð jafngildir 3,1 milljarði króna.

Í lok Facebook færslu dagsins þakkar Skúli öllum þá hvatningu og stuðning hann hefur fengið við uppbyggingu ferðaþjónustu í Hvammsvík sem opnuð verður á næstu vikum.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …