Markaðsvirði flugfélaga hefur sigið niður á við síðustu mánuði þrátt fyrir ört vaxandi eftirspurn og hækkandi fargjöld. Hið háa olíuverð, sem rekja má til stríðsins í Úkraínu, dregur út gleðinni og eins eru flugfélög víða í basli við að halda úti áætlunum.
Og þegar horft er til þeirra sjö norrænu flugfélaga sem skráð eru á hlutabréfamarkað þá lækkaði markaðsvirði þeirra allra í vikunni sem nú er á enda. Bréfin í Icelandair fór lengst niður eða um nærri tíund eins og sjá má á grafinu hér fyrir neðan.
Þess ber þó að geta að bréf í evrópskum flugfélögum hækkuðu almennt á föstudaginn en þá var íslenska kauphöllin lokuð vegna þjóðhátíðardagsins. Ein skýring á hækkuninni gæti skrifast á töluverða lækkun olíuverðs í lok vikunnar.