Samfélagsmiðlar

Loksins not fyrir nýja flugstöð

Það verða töluverðar breytingar á Stewart flugvelli með komu Play.

Farþegar Play verða þeir fyrstu sem fara í gegnum nýja álmu á Stewart flugvelli.

Haustið 2019 lagði norska félagið Norwegian niður útgerð sína á Stewart flugvelli í Hudsondal og síðan þá hefur starfsemin þar eingöngu snúist um innanlandsflug. Það hafa því engin not verið fyrir nýja álmu á flugvellinum fyrir farþega í alþjóðaflugi en á því verður breyting í dag.

Seinnipartinn er nefnilega von á þotu Play til Stewart flugvallar en félagið ætlar að bjóða upp á daglegar þangað hér eftir. Farþegar íslenska félagsins verða þar með þeir fyrstu sem fara um nýju álmuna en kostnaðurinn við að reisa hana á sínum tíma nam um fimm milljörðum króna.

Koma Play til Stewart kallar á bættar samgöngur þangað frá New York borg enda um 100 kílómetrar frá Manhattan að flugstöðinni. Og frá og með deginum í dag verða í boði sérstakar sætaferðir fyrir farþega Play til og frá Stewart. Farmiði aðra leiðina kostar 22 dollara eða um 2900 krónur og tekur bílferðin um einn og hálfan klukkutíma samkvæmt heimasíðu Megabus.

Þess má geta að ennþá eru laus sæti í jómfrúarferð Play til New York í dag og kostar farið, aðra leið, 31 þúsund krónur. Farmiðinn á morgun kostar um 18 þúsund krónur.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …