Farþegahópurinn hjá Play var helmingi stærri í maí en hann var í apríl og viðbótin nam nærri þriðjungi hjá Icelandair.
Svo mikil var aukningin milli mánaða ekki hjá Flyr, SAS, Finnair og Norwegian. Þar jukust umsvifin nokkru minna eins og sjá má á töflunni. Og reyndar var það svo að tekjur skandinavísku félaganna á hvert sæti lækkuðu milli mánaða enda eru fargjöldin yfir páskana almennt há. Hvort verðþróunin hafa verið svipuð hjá Icelandair og Play liggur ekki fyrir því félögin veita fjárfestum ekki þess háttar upplýsingar milli mánaða.
Þegar kemur að fjölda óseldra sæta þá voru þau hlutfallslega flest hjá Finnair og norsku nýliðunum í Flyr. Skýringin á slakri nýtingu hjá finnska flugfélaginu liggur í ferðum félagsins til Asíu og Norður-Ameríku. Í Evrópuflugi félagsins var nýtingin mun betri samkvæmt tilkynningu félagsins. Sem fyrr var sætanýtingin hæst hjá Norwegian.