Samfélagsmiðlar

Hraður bati í Portúgal

Portúgalska ferðaþjónustan tekur betur við sér eftir heimsfaraldur en víða annars staðar í Evrópu. Ólíklegt er þó að í ár komi sami fjöldi ferðafólks og á metárinu 2019.

Frá Porto

Ferðaþjónusta er auðvitað mjög mikilvæg atvinnugrein í Portúgal. Árið 2019, það síðasta fyrir Covid-19, var metár. Þá komu 16,4 milljónir ferðamanna til landsins. Svo kom hryllingsárið 2019 þegar aðeins tæpar fjórar millljónir komu. Lítillega rofaði til 2020 þegar tveimur milljónum fleiri spókuðu sig um í Lissabon, Porto, á Algarve og víðar á ferðamannaslóðum landsins. Mikill bati blasir við á þessu ári þó fæstir geri ráð fyrir að metið frá 2019 verði slegið.

Hótel og gististaðir í Portúgal hafa í allt sumar tekið við góðum og vaxandi fjölda bókana. Búast eigendur þeirra við að um háannatímann verði bókanir álíka og á bestu árum fyrir heimsfaraldur. Reuters-fréttastofan hafði nýlega eftir Bernardo Trindade, formanni AHP, sambands hóteleigenda, að endurheimtin væri hraðari í Portúgal en víða annars staðar í Evrópu vegna fjarlægðarinnar frá stríðsátökunum í Úkraínu. Ferðafólki fyndist það öruggt í Portúgal. Framkvæmdastjóri AHP, Cristina Siza Vieira, sagði hinsvegar að hóteleigendur væru þó ekki bjartsýnir að útkoman á árinu í heild myndi slá ný met. Við tvennt væri að glíma: skort á starfsfólki og óðaverðbólgu. 

Ferðaþjónustan dró Portúgal upp úr efnahagslegum öldudal áranna 2010 til 14, eftir bankakreppuna, og fyrir heimsfaraldurinn svaraði hún til um 15 prósenta af landsframleiðslu. Starfsfólk á hótelum og veitingahúsum í landinu var nærri 267 þúsund á fyrsta fjórðungi ársins, 45 þúsundum fleiri en árið á undan, en um 33 þúsundum færra en á sama tíma 2019.  

Play flýgur milli Keflavíkur og Lissabon tvisvar í viku, á mánudögum og föstudögum. Kvöldvélin sem lenti í Keflavík á öðrum tímanum aðfararnótt laugardags var fullskipuð farþegum. 

Nýtt efni

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …

Útlit er fyrir að það hægist aðeins um í ferðaþjónustunni á þessu ári miðað við hraðan vöxtinn á síðasta ári. Ísland endurheimti ferðafólkið hraðar eftir heimsfaraldurinn en flest önnur lönd en nú er hægari gangur í bókunum. Þar hafa eldsumbrotin á Reykjanesskaga sín áhrif en hátt verðlag hér á landi fælir líka einhverja frá. Á …