Samfélagsmiðlar

Lystiskipin koma hvert af öðru

Komur lystiskipa til Reykjavíkur eru nú orðnar jafn margar og þær voru fyrir heimsfaraldur. Búist er við enn fleirum á næsta ári.

Lystiskip við Skarfabakka

MSC Magnifica við Skarfabakka

Bandaríska lystiskipið Sky Princess, sem sjósett var 2019 og siglir undir fána Bermúda, lagðist að Skarfabakka í Reykjavíkurhöfn á þriðjudag með um 3.500 farþega. Þetta var fyrsta koma skipsins til Reykjavíkur og var því fagnað við athöfn um borð, þar sem skipst var á veggskjöldum til minningar.

Í augum forráðamanna Faxaflóahafna markaði þessi koma Sky Princess ánægjuleg tímamót af því að með henni var fjöldi lystiskipa á árinu kominn á sama stað og á sama tíma árið 2019 – fyrir heimsfaraldur – en það var metár í komum lystiskipa til Reykjavíkur.

Um 50 lystiskip eru væntanleg til Reykjavíkur nú í júlímánuði og áfram verða komur þeirra tíðar á næstu mánuðum. Metárið 2019 verður a.m.k. jafnað. Þá bendir bókunarstaðan fyrir 2023 til þess að komum lystiskipa í Faxaflóahafnir fjölgi um 20 prósent.

Sky Princess er á leið til hafnar í Southampton á Englandi.

Við Skarfabakka liggur nú MSC Magnifica, skip í eigu Mediterranean Shipping Company á Ítalíu, skráð í Panama, smíðað 2009.

Árið 2020 var Magnifica synjað um að koma til hafnar í Ástralíu vegna þess að yfirvöld töldu ranglega að Covid-sjúklingur væri um borð. Sagan endurtók sig í Dubai. Loks var farþegum hleypt frá borði í Marseille í Frakklandi um mánuði eftir að Ástralir höfðu meinað þeim landgöngu. Nú eru engin slík vandræði uppi – og vonandi njóta farþegarnir 2.550 og þúsund manna áhöfn viðkomunnar á Íslandi.

Þú færð aðgang að öllu efni Túrista næstu tvo mánuði fyrir 2.000 kr. Notaðu afsláttarkóðann SUMAR2022 hér. Áskrift endurnýjast á fullu verði í framhaldinu en alltaf hægt að segja upp.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …