Þrátt fyrir að helmingur flugmanna SAS hafi verið í verkfalli í nærri tvær vikur þá hækkuðu hlutabréf í félaginu um nærri fjórðung í vikunni. Það sem af er ári hefur markaðsvirði SAS hins vegar helmingast en til samanburðar hefur gengi Play lækkað um 30 prósent í ár.
Lækkunin hjá Icelandair á tímablinu nemur sjö af hundraði.
Hlutabréf félagsins hafa verið á uppleið nú í júlí en í lok næstu viku birtir félagið uppgjör fyrir annan ársfjórðung. Í framhaldinu skýrist hvort stærsti hluthafinn, Bain Capital, nýtir áskriftarréttindi sín og kaupir hlutabréf í félaginu fyrir rúma tvo milljarða króna á genginu 1,64. Við lokin Kauphallarinnar á föstudaginn var gengið 1,69 en það hefur ekki verið svo hátt í nærri tvo mánuði.
Eins og sjá má hér fyrir neðan þá fór gengi norrænna flugfélaga almennt upp á við í vikunni.