Samfélagsmiðlar

Sjálfbærni er nýja leiðarljósið

Mikilvægasta umræðan í ferðaheiminum snýst um það hvernig starfsgreinin fær staðist vaxandi umhverfisvitund og kröfuna um sjálfbærni.

Return í Reynisfjöru

Rútur í Reynisfjöru. Hversu lengi sættir ferðafólk sig við rútur sem knúnar eru jarðefnaeldsneyti?

Þar sem rætt er og skrifað um ferðaþjónustu og framtíð hennar í heiminum er sjálfbærni ævinlega efst á blaði. Augljóst er að íslensk ferðaþjónusta þarf að taka sig á, eins og fram kom í viðtali Túrista við Skarphéðin Berg Steinarsson, ferðamálastjóra. Hann segir íslenska ferðaþjónustu hafa dregist aftur úr, ekki hafi verið lögð nógu rík áhersla á umhverfismálin. Íslensk ferðaþjónusta verði að hafa sjálfbærni að leiðarljósi. 

Ferðaþjónustufyrirtæki um allan heim setja nú sjálfbærni á oddinn – af því að ferðafólkið sjálft gerir það í vaxandi mæli. Sífellt fleiri túristar eru reiðubúnir að kaupa ferðir og þjónustu sem staðfest er að lúti reglum sem gilda um það sem telst sjálfbært. Sérstaklega á þetta við um túrista sem öll lönd vilja laða til sín: fólkið sem er tilbúið að greiða vel fyrir vandaða og umhverfisvænar vörur og þjónustu.

Þessi þróun endurspeglar algjöra hugarfarsbreytingu neytenda sem frömuðir og fyrirtæki í ferðabransanum geta nýtt sem hvata til frekari og róttækari breytinga á greininni. 

Geta Íslendingar lengi enn selt ökuferðir um hringveginn, upp á jökla eða út á sjó, á farartækjum sem brenna jarðefnaeldsneyti?

Bandaríski ferðafjölmiðillinn Skift stóð að ráðstefnu um sjálfbærnimál og birtir myndband á síðu sinni þar sem Jennifer Andre frá Expedia Group ræðir niðurstöður rannsókna fyrrtækisins á viðbrögðum ferðamanna gagnvart sjálfbærni og hvað móti viðhorf þeirra:

Ferðamenn leita stöðugt eftir kostum sem teljast sjálfbærir, t.d. með því að styðja við efnahagslega hagsæld og menningu nærsvæðis, heimsækja fáfarna og lítt þekkta staði – meðfram því að vera almennt uppteknir af umhverfismálum. 

Ferðamenn eru til í að borga meira fyrir sjálfbær matvæli, samgöngur, gistingu og afþreyingu – og eru jafnvel fúsir að fórna þægindum ef þeim bjóðast sjálfbærir og skynsamlegir kostir.

Ferðamenn skortir réttar upplýsingar um það hvernig hafa megi sjálfbærni að leiðarljósi. Þarna vantar meiri trúverðugleika og gagnsæi í miðri upplýsingaóreiðunni. 

Það er ekki nóg að segjast vera sjálfbær eða umhverfisvænn. Sýna verður fram á það með trúverðugum hætti.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …