Samfélagsmiðlar

„Vonbrigði að ráðherra standi ekki með greininni“

Samtök ferðaþjónustunnar lýsa mikilli óánægju með að Lilja D. Alfreðsdóttir, ráðherra ferðamála, styðji hvalveiðar.

Langreyður komin á land í Hvalfirði

„Það eru satt að segja mikil vonbrigði að ferðamálaráðherra skuli vera fylgjandi hvalveiðum á sama tíma og atvinnugreinin sjálf, og reynslumikið fólk innan hennar, hafa varað við neikvæðum áhrifum hennar á ferðaþjónustu og ímynd Íslands sem ferðamannalands,“ segir Bjarnheiður Hallsdóttir, formaður SAF þegar hún bregst við stuðningi ráðherra við hvalveiðar.

„Það eru mikil vonbrigði að ráðherra skuli ekki standa með atvinnugreininni á þessum tímum, þegar fyrirtækin eru að rísa úr öskustó eftir hörmungar heimsfaraldursins, og leyfa henni að njóta vafans.

Þetta er sömuleiðis illskiljanlegt, þar sem áralöng reynsla hefur sýnt okkur að hvalveiðar skaða utanríkisstefnu og utanríkisviðskipti Íslands – miklum hagsmunum er stefnt í hættu vegna veiða, sem hafa sáralítið, ef eitthvert vægi, í þjóðarbúskapnum.

Einnig skýtur þetta skökku við, þar sem atvinnugreinin ásamt ráðherra, er í miðjum klíðum við stefnumótun fyrir atvinnugreinina til framtíðar, sem ber heitið „Leiðandi í sjálfbærni.“

Það sjá allir að hvalveiðar sem stundaðar eru í  andstöðu við stóran hluta Íslendinga og heimsbyggðarinnar passa með engu móti inn í þá framtíðarsýn sem þar er dregin upp af áfangastaðnum Íslandi, “ segir Bjarnheiður Hallsdóttir, sem hefur áður lýst andstöðu við hvalveiðar sem hafnar eru að nýju. Og sama gildir um aðra þá í ferðaþjónustu sem Túristi ræðir við þessa dagana:

Allir virðast andvígir hvalveiðum og segja þær ganga þvert á hagsmuni ferðaþjónustunnar. Afstaða ferðamálaráðherra vekur því mikla undrun innan greinarinnar.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …