Samfélagsmiðlar

Farmiðar á gjafverði heyra sögunni til

Michael O´Leary, forstjóri Ryanair, var ómyrkur í máli í þættinum Today á BBC Radio4 í morgun, sagði að Brexit hefði leikið bresk flugfélög og flugvelli illa, ringulreið hefði myndast vegna langra raða, týnds farangurs og truflana á flugi sem til kæmi af skorti á starfsfólki.

ryanair velar

O´Leary varpar sökinni á Boris Johnson, fráfarandi forsætisráðherra Bretlands, sem hefði ásamt „öðrum metnaðarfullum fáráðlingum“ valdið hruni á breska vinnumarkaðnum með ákvörðunum sínum. Hann sagði að stjórnarherrarnir gerðu réttast í að viðurkenna að útgangan úr Evrópusambandinu hefði komið sér mjög illa gagnvart frjálsu flæði vinnuafls sem væri meðal alvarlegustu vandamála sem við væri að etja í breska efnahagslífi.

Forstjóri Ryanair ræddi í Today á BBC þróun á verði fargjalda og sagði að það heyrði brátt sögunni til að hægt yrði að kaupa flugmiða á fáein pund. „Tíu punda miðar verða ekki í boði vegna þeirrar verðhækkunar sem orðið hefur á olíu með stríðinu í Úkraínu.“ Hann gerir ráð fyrir að meðalverð á flugmiðum Ryanair hækki úr um 40 pundum í um 50 á allra næstu árum.

Á fyrstu sex mánuðum ársins aflýsti Ryanair um 0,3 prósentum af flugferðum sínum á meðan British Airways slógu af 3,5 prósentum sinna ferða. Hann gagnrýndi flugvelli fyrir lélegt skipulag, ekki síst Heathrow-flugvöll, sem hann sagði illa stjórnað. Sá hefði mátt fyrir margt af því sem flugfélög hafa átt við að stríða í sumar.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …