Samfélagsmiðlar

Farmiði greiddur fyrir flugtak

Þau sem lenda í því að flugi er aflýst vita að nokkur fyrirhöfn getur fylgt því að fá miðann endurgreiddan. Á þessu sumri hafa óvenju margir lent í vandræðum vegna aflýstra ferða, ekki síst í Evrópu, og hafa þau vandræði oftast verið rakin til starfsmannaskorts á flugvöllum.

Samgönguráðherra þýska sambandsríkisins Neðra-Saxlands, Bernd Althusmann, vill að komið verði til móts við neytendur með því að fella niður kröfuna um fyrirframgreiðslu flugmiða en farþegar greiði fargjald sitt um leið og gefið út brottfararspjald fyrir flug. Althusmann sagði við viðskiptablaðið Handelsblatt að þetta myndi aðeins lítillega auka tilkostnað flugfélaganna en hlífa farþegum við miklu umstangi og leiðindum. Frá þessu er greint í Business Travel News Europe.

Málið verður rætt í fylkisstjórn Neðra Saxlands fljótlega. Þýsk samtök viðskiptaferðalanga hafa frá því í fyrra beitt sér fyrir því að fyrirkomulag greiðslu fyrir flugtak (PAYF, Pay as you fly) verði tekið upp og fagnaði forseti samtakanna, Christoph Carnier, stuðningi samgönguráðherra Neðra-Saxlands. Fyrirfram greiðsla flugmiða væri úrelt fyrirkomulag sem ætti að falla frá og taka í staðinn upp rafræna greiðslu fyrir flugtak. Það væri ekki aðeins í þágu viðskiptavina heldur yrði til hvati fyrir flugfélögin að hverfa frá núverandi skriffinsku sem fylgir aflýstum ferðabókunum og millifærslum á greiðslum.

Lufthansa hóf í mars í fyrra að bjóða viðskiptaferðalöngum upp á greiðslu fyrir flugtak. Þeir miðar eru dýrari en aðrir og bókunarferlið öðruvísi en gildir um flesta miða.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …