Samfélagsmiðlar

Nú nota „ferðamenn“ greiðslukortin tvöfalt meira í verslunum en hjá almennum ferðaþjónustufyrirtækjum

Túristi hefur að undanförnu bent á sérkennilega þróun í notkun erlendra greiðslukorta á landinu. Nú hefur málið verið tekið til skoðunar hjá Rannsóknarsetri verslunarinnar.

Erlend kortavelta í dagvöruverslunum nam 2,2 milljörðum í júlí.

Á sama tíma og erlend kortavelta á hótelum, bílaleigum og veitingastöðum hækkar þá minnka kortaviðskiptin hjá ferðaskrifstofum og öðrum sem skipuleggja ýmis konar afþreyingu fyrir ferðamenn. Skýringin á þessari þróun liggur að hluta til í þeirri staðreynd að íslensk ferðaþjónustufyrirtæki hafa flutt viðskipti sín frá íslenskum færsluhirðum líkt og Túristi hefur áður greint frá.

Í nýliðnum júlí nam erlenda kortavelta hjá þessum hópi ferðaþjónustufyrirtækja aðeins 3,1 milljarði króna.

Á sama tíma árin fyrir heimsfaraldur var veltan aftur á móti nærri tveimur milljörðum hærri og þá á pari við veltuna í flokknum „Verslun“ í gagnagrunni Rannsóknarseturs verslunarinnar. Núna er erlenda kortanotkunin í verslunum landsins hins vegar orðin tvöfalt hærri því í júlí nam hún nærri 6,2 milljörðum króna.

Þessi þróun er ekki bara bundin við júlí því síðustu þrjá mánuði hefur erlenda kortavelta í verslunum verið um 13,7 milljarðar á meðan almennu ferðaþjónustufyrirtækin hafa aðeins tekið við greiðslum með kortum uppá 8,4 milljarða kr. Í maí til júlí árin 2018 og 2019 var veltan í verslununum töluvert minni en hjá almennu ferðaþjónustufyrirtækjunum.

Það er Rannsóknarsetur verslunarinnar (RSV) sem tekur saman kortaveltuna og byggir hana á upplýsingum frá íslenskum færsluhirðum. Notkun útlendra greiðslukorta er eignuð „erlendum ferðamönnum“ í gagnagrunni rannsóknarsetursins jafnvel þó hluti veltunnar tengist Íslendingum með erlend kort og svo útlendingum sem versla í íslenskum netverslunum.

Hvað sem þeirri skilgreiningu líður þá er ljóst að flokkurinn „ýmis ferðaþjónustu“ hefur dregist verulega saman líkt og Túristi hefur áður bent á og til að mynda kallaði Skarphéðinn Berg Steinarsson, ferðamálastjóri, eftir mati á mögulegri skekkju í gagnasafninu.

Og nú er málið til skoðunar hjá RSV samkvæmt svörum við fyrirspurn Túrista. Þar segir að fyrirspurnir hafi verið sendar færsluhirða og Samtaka ferðaþjónustunnar um málið. Í svarinu er einnig tekið fram að skýringarnar á minni veltu í flokknum „ýmis ferðaþjónusta“ geti verið ýmsar og fleiri en aðeins flutningur viðskipta til erlendra færsluhirða. Neysluhegðun ferðamanna gæti þannig hafa breyst.

Eins og gefur að skilja þá ganga margir ferðamenn frá kaupum á skoðunarferðum og afþreyingu áður en ferðalagið hefst og þá jafnvel í gegnum erlendar sölusíður. Þess háttar ferðir er líka oft hluti af pakkaferðum sem erlendar ferðaskrifstofur selja. Sú þróun er ekki ný af nálinni og tölurnar hér fyrir ofan ættu því að vera samanburðarhæfar á milli ára.

Líklegasta skýringin á þessari þróun liggur því væntanlega í þeirri staðreynd að íslensk ferðaþjónustufyrirtæki og söluaðilar á afþreyingu hafa flutt viðskipti sín til erlendra færsluhirða líkt og Túristi benti á fyrr í sumar.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …