Kostnaður við kaup á þotueldsneyti jókst hratt eftir innrás Rússa í Úkraínu í lok febrúar. Stjórnendur Play brugðust við þessu með því að taka upp sérstakt eldeytisgjald og hjá Icelandair var tilkynnt um ríflega hækkun á þessum lið. Sú hækkun gekk í gildi þann 1. apríl en þá kostaði tunna af Norðursjávarolíu 104 dollara.
Verðið hækkaði umtalsvert í vor og sumar og fór hæst upp í 124 dollara á tímabilinu. Nú hefur verðhækkunin að hluta til gengið tilbaka og til að mynda hefur olíuverðið lækkað um nærri fimm af hundraði í dag.
Tunnan kostar því rétt um 93 dollara á þessari stundu og er því um tíund ódýrari en daginn sem Icelandair hækkaði eldsneytisálagið hjá sér fyrir sumarvertíðina.
Skýringin á lækkun dagsins er rakin til mögulegs samkomulags Írana og Evrópusambandsins varðandi kjarnavopn en ef aðilar ná saman þá gæti olía frá Íran flætt inn á evrópska markaðinn á ný.
Oil price drop today seems to come after comments from Iran this morning regarding the near-term prospects of a nuclear deal. A nuclear deal that would likely see a return of Iran crude to the global market.
— Jens Nærvig Pedersen (@jnaervig) August 15, 2022
*IRAN: BASIS EXISTS FOR SIGNING NUCLEAR DEAL IN VERY NEAR FUTURE // BBG pic.twitter.com/LhNOF5oQlr