Samfélagsmiðlar

„Því meiri fjölbreytni því blómlegri”

Margir ferðamanna sem hingað eru komnir hafa lítil fjárráð og eyða ekki miklu á meðan þeir dvelja á landinu. Þessir ferðamenn eru samt mjög mikilvægir - eiginlega framtíðarfjárfesting.

Ferðalangar í Reykjavík

Þetta er skoðun Stefáns Guðmundssonar, eiganda Gentle Giants á Húsavík, sem Túristi ræddi við á dögunum. „Fjölbreytni rennir styrkari stoðum undir heildina. Ég vil sjá bakpokaliðið þó að það eyði litlu.”

Sjálfur fær hann tæplega blankasta ferðafólkið um borð í hvalaskoðunarbáta sína. Ungur ferðamaður með bakpoka sem ferðast með almenningssamgöngum eða á puttanum hefur kannski ekki ráð á því að fara í hvalaskoðunarferð eða í ævintýraferð upp á jökul, en ef hann hrífst af landinu gæti hann komið aftur þegar fjárhagur leyfir og látið draumana rætast.

Sama er að segja um krakkana í skólaferðinni. Þau eru með litla sem enga peninga í sinni fyrstu ferð. En allt þetta unga fólk er afar mikilvægt fyrir íslenska ferðaþjónustu, segir Stefán. 

„Ég hafði lúmskt gaman af því fyrir 10 til 15 árum þegar nokkrir málsmetandi menn komu fram og töluðu um að Ísland ætti að vera dýrt og ýjuðu að því að við ættum bara að einbeita okkur að því að ná í fimm-stjörnu-farþega. Ég var algjörlega á móti þessu. Skólakrakkar, sem hafa komið hingað á veturna síðustu 20 árin og héldu rútufyrirtækjum gangandi en skiluðu ekki miklu, eru hluti af bestu langtíma markaðssetningu sem Ísland hefur stundað. Það er nefnilega pottþétt að 15 eða 16 ára krakkar munu koma aftur með fullt af peningum. Þetta þarf því að halda áfram. Því meiri fjölbreytni því blómlegri verður ferðaþjónustan. Það er misskilningur ef menn halda að við getum haft einsleita ferðaþjónustu og látið hana blómstra. Allt sem er einsleitt, hvort sem það er ferðaþjónusta eða annað, verður fyrir skakkaföllum á endanum. Fjölbreytni rennir styrkari stoðum undir heildina. Ég vil sjá bakpokaliðið þó að það eyði litlu. Það sendir myndir á samfélagsmiðla.” 

Ekkert markaðsátak íslenskrar ferðaþjónustufyrirtækja eða opinberra aðila gæti sem sagt skilað fleiri myndum og jákvæðum umsögnum um Ísland en einmitt unga og blanka ferðafólkið gerir. 

Austur á Héraði hitti Túristi Þráin Lárusson, sem er umsvifamikill í hótel- og veitingarekstri þar eystra. Hann var þá nýbúinn að hitta áhrifamikinn lögfræðing frá Kraká í Póllandi, sem rekur stóra lögfræðistofu þar, er með umsvif í Varsjá og einnig utanlands. Ástæðan fyrir heimsókn pólska lögfræðingsins í Hallormsstaðaskóg var að rifja upp gömul kynni. Sá pólski hafði nefnilega verið fyrsti hótelstarfsmaður Þráins – fyrir 16 árum.

„Þá skipti hann á rúmunum hérna en er núna orðinn umsvifamikill lögfræðingur heima í Póllandi og erlendis.”

Þráinn segir að þeir félagarnir hafi rætt hversu litlir Íslendingar væru í raun á alþjóðlegum ferðamarkaði. „Hann benti á það hlæjandi að níu milljónir ferðamanna koma til Kraká á ári hverju.” Sjálfur telur Þráinn að ef rétt er haldið á spilunum megi fjór- eða fimmfalda ferðamannastrauminn til Íslands. Meðal þeirra sem koma í framtíðinni verða þá örugglega einhverjir þeirra fjölmörgu sem hér störfuðu á skólaárunum eða komu hingað staurblankir og þvældust um landið. 

Stefán Guðmundsson á Húsavík brosti út í annað þegar málsmetandi menn ýjuðu að því á sínum tíma að Íslendingar ættu að einbeita sér að því að fá hingað vel borgandi farþega. Þetta var þegar ódýrar flugferðir gerðu mörgum kleift að komast í sína fyrstu Íslandsferð.

„Varhugavert er þó að leggja að jöfnu magn og gæði,” sagði einmitt í Markaðspunktum Arion banka 21. október 2011. Greinendur Arion banka vöruðu þá við því að íslensk ferðaþjónusta einblíndi á fjölgun ferðafólks. „Með því að byggja upp ferðaþjónustu á þeirri forsendu að laða til landsins efnaðri ferðamenn væri hugsanlega hægt að auka gjaldeyristekjur án þess að ágangur ferðamanna verði íslenskri náttúru ofviða.” 

Greinendur bankans veltu sem sagt fyrir sér hvort ekki væri eðlilegra að laða að þá sem skiluðu meiri gjaldeyristekjum „en hinn almenni ferðamaður,” sem þeir nefndu svo. Það væri í þágu íslenskrar náttúru!

Þessi sjónarmið sem birtust fyrir meira en áratug heyrast af og til í almennri umræðu en dálitlar flettingar og gúgl skila líka andstæðum sjónarmiðum: að hvorki sé rétt né skynsamlegt að gera Ísland að sérstökum áfangastað ríka fólksins. Hitt er svo annað mál hvort það gerist að sjálfu sér. Ísland er mjög dýrt miðað við flest önnur lönd: kaffibollinn, smjörhornið, samlokan hamborgarinn, vatnsflaskan, bjórinn og vínglasið. Allt þetta og fleira kostar oft margfalt meira víðast – nema þá helst í Noregi og Sviss. 

Túristi veltir fyrir því sér hvort það gæti verið skynsamleg fjárfesting að við tryggðum með einhverjum hætti að „bakpokaliðið” hafi áfram ráð á að ferðast um landið og njóta þess sem það hefur að bjóða.

Við eignumst ekki betri kynningarfulltrúa. 

Nýtt efni

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …

Útlit er fyrir að það hægist aðeins um í ferðaþjónustunni á þessu ári miðað við hraðan vöxtinn á síðasta ári. Ísland endurheimti ferðafólkið hraðar eftir heimsfaraldurinn en flest önnur lönd en nú er hægari gangur í bókunum. Þar hafa eldsumbrotin á Reykjanesskaga sín áhrif en hátt verðlag hér á landi fælir líka einhverja frá. Á …