Velta í veitingasölu og -þjónustu var um 22 milljarðar króna í maí og júní en hún hefur ekki áður mælst jafn mikil samkvæmt tölum Hagstofunnar sem byggja á virðisaukaskattskýrslum. Aukningin frá sama tíma árið 2019 nam þriðjungi. Til samanburðar þá jókst veltan hjá gististöðum um aðeins 18 prósent en þar var hún jafn há og í veitingageiranum eða um 22 milljarðar.
Í maí og júní, á árunum fyrir heimsfaraldur, var veltan á gististöðum ávallt nokkru hærri en á veitingahúsunum. Aftur á móti hafði Covid-19 mun neikvæðari áhrif á rekstur gistihúsa en veitingastaða.
Hafa ber í huga að tölurnar hér fyrir neðan eru á verðlagi hvers árs og hefur vísitala neysluverðs hækkað um 16 prósent á milli sumarbyrjunnar 2019 og ársins í ár.
