Samfélagsmiðlar

Ennþá er Boeing í vandræðum með Max þoturnar

Fyrsta eintakið af Boeing Max10 var framleitt árið 2019 en forstjóri flugvélaframleiðandans gerir ekki ráð fyrir að þoturnar fái samþykki flugmálayfirvalda í ár.

Óhætt er að segja að framleiðsla á farþegaþotum hjá Boeing hafi einkennst af alvarlegum göllum síðastliðinn áratug eða svo. Í ársbyrjun 2013 voru allar þær Dreamliner þotur sem komnar voru í notkun kyrrsettar eftir að vandamál komu upp í rafgeymum vélanna. Flugbannið varði í rúma þrjá mánuði og enn þann dag í dag fylgjast flugmálayfirvöld vestanhafs óvenju náið með framleiðslu á þessari tegund farþegaþota. Vandamálin heyra nefnilega ekki sögunni til og það sama má segja um Boeing Max þoturnar.

Þær voru kyrrsettar í mars 2019 eftir tvö flugslys þar sem 346 manns létu lífið. Nærri tveimur árum síðar fengu flugfélög að taka Max þoturnar sínar í notkun á ný og þá af gerðinni Max8 og Max9.

Boeing bíður nefnilega ennþá eftir leyfi til að afhenda flugfélögum Max7 og Max10 þotur þó liðin séu fjögur ár frá því að fyrsta eintakið af þeirri fyrrnefndu var framleitt og þrjú ár frá fyrstu ferð Max10.

Og nú eru lobbístar Boeing komnir í kapphlaup við tímann því um áramótin ganga í gildi reglur sem kveða á um að allar nýjar farþegaþotur skuli vera með öflugara viðvörunarkerfi í flugstjórnarklefanum en er í Max þotunum í dag.

Núverandi kerfi mun vera nærri óbreytt frá forverum Max þotanna, þ.e. Boeing 737NG samkvæmt frétt Flight Global. Þar segir að kostnaðurinn við að bæta kerfið verði gríðarlegur og því miklir hagsmunir í húfi fyrir flugvélaframleiðandann.

Forstjóri Boeing er þó ekki vongóður um að bandarísk flugmálayfirvöld samþykki bæði Max7 og Max10 fyrir áramótin. Hann vonast þó til að sú minni fái grænt ljós og því óumflýjanlegt að setja þurfi betri kerfi í þær stærri.

Max þotunum í flota Icelandair hefur fjölgað umtalsvert að undanförnu og í júní sl. skrifaði félagið undir viljayfirlýsingu um kaup á fjórum í viðbót. Þau eintök voru framleidd árið 2018 en Boeing átti nú í sumarbyrjun ennþá um 240 tilbúnar en óseldar Max þotur. Og samkvæmt viðmælanda Túrista sem er öllum hnútum kunnugur hjá Boeing þá hefur Icelandair fengið „bargain price“ á þessu fjórum þotum.

Nýtt efni

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …

Útlit er fyrir að það hægist aðeins um í ferðaþjónustunni á þessu ári miðað við hraðan vöxtinn á síðasta ári. Ísland endurheimti ferðafólkið hraðar eftir heimsfaraldurinn en flest önnur lönd en nú er hægari gangur í bókunum. Þar hafa eldsumbrotin á Reykjanesskaga sín áhrif en hátt verðlag hér á landi fælir líka einhverja frá. Á …