Gistinætur á skráðum gististöðum voru um nærri 1,6 milljónir talsins í júlí síðastliðnum og hafa þær aldrei verið fleiri. Þetta kemur fram í frétt á vef Hagstofunnar en þar segir að útlendingar hafi staðið undir 82 prósentum af gistinóttunum í mánuðinum eða tæplega 1,3 milljón nóttum.
Svo margar gistingar hafa ekki áður verið seldar til útlendinga hér á landi. Það er áhugavert í ljósi þess að júlí var ekki metmánuður í fjölda erlendra brottfararfarþega á Keflavíkurflugvelli. Þrisvar sinnum áður hafa erlendu farþegarnir í júlímánuði verið fleiri en þeir voru að þessu sinni samkvæmt talningu Ferðamálastofu.
Besta nýtingin á Suðurlandi
Gistináttatölur Hagstofunnar ná ekki bara yfir hótel og gistiheimili heldur einnig aðrar tegundir skráðra gististaða, t.d. íbúðagistingu, orlofshús og tjaldsvæði. Júlí voru gistinæturnar 599 þúsund á hótelum, 206 þúsund á gistiheimilum og samtals 745 þúsund í öðrum flokkum.
Eins og sjá má hér fyrir neðan þá var herbergjanýtingin best á hótelum á Suðurlandi í júlí eða um 93 prósent.