Samfélagsmiðlar

Hvorki Icelandair né Play á lista yfir þau 100 bestu

Aldrei komst Wow Air á listann og Icelandair hefur farið nokkuð hratt niður á við síðustu ár.

Mr. Akbar Al Baker, stjórnarformaður Qatar Airways, tók við verðlaununum fyrir helgi.

Árlegur listi World Travel Awards yfir 100 bestu flugfélög heims var birtur í lok síðustu viku og sem fyrr ratar niðurstöðurnar í viðskipta- og ferðapressuna út í heimi. Stjórnendur flugfélaganna sem komast ofarlega á blað gera líka töluvert úr viðurkenningunni en listinn byggir aðallega á umsögnum flugfarþega.

Í ár var það Qatar Airways sem hneppti fyrsta sætið og er þetta í sjöunda skiptið sem flugfélagið ber sigur úr býtum. Í öðru sæti var Singapore Airlines og Emirates í því þriðja. Af þeim flugfélögum sem fljúga til og frá Keflavíkurflugvelli kom British Airways best út en félagið var í 11. sæti á lista ársins.

Hvorki Icelandair né Play komust á blað að þessu sinni og er þetta annað skiptið í röð sem Icelandair er ekki á lista yfir 100 bestu flugfélög heims hjá World Travel Awards. En félagið hefur farið nokkuð hratt niður listann árin á undan eins og sjá má hér fyrir neðan. Þess má geta að Wow Air náði aldrei inn á listann á sínum tíma.

Sætin sem Icelandair hefur vermt síðustu ár á lista World Travel Awards yfir 100 bestu flugfélögin:

2019: 100. sæti
2018: 87. sæti
2017: 82. sæti
2016: 81. sæti
2015: 81. sæti
2014: 81. sæti
2013: 73. sæti
2012: 88. sæti

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …