Samfélagsmiðlar

Japanar opna landið fyrir ferðafólki

Forsætisráðherra Japans, Fumio Kishida, tilkynnti í gær að ströngum takmörkunum á komum ferðafólks til landsins yrði aflétt 11. október. Að undanförnu hefur aðeins skipulögðum ferðahópum verið hleypt inn í landið og það með ströngum skilyrðum.

Mannþröng í Taitō-hverfi í Tókýó fyrir heimsfaraldur

Japönsk ferðaþjónusta hefur átt erfitt frá því Covid-19-faraldurinn hófst. Nánast engir túristar hafa verið sjáanlegir í landinu og hefur margt heimafólkið raunar fagnað því – sérstaklega eldri borgarar sem eru á varðbergi gagnvart útlendingum.

Nú er breyting framundan. Japanski forsætisráðherrann Fumio Kishida er staddur í New York á allsherjarþingi Sameinuðu þjóðanna en gaf sér tíma í gær til að boða til fréttamannafundar í borginni og tilkynna um tillslakanir á þeim takmörkunum sem gilt hafa. Meginbreytingin er sú að frá 11. október næstkomandi verður einstaklingum heimil landganga, ekki aðeins þeim sem ferðast í skipulögðum hópum. Þá verða felldar á brott allar takmarkanir sem gilt hafa síðustu mánuði um þann fjölda sem má koma til landsins. Kröfur um vegabréfsáritun sem gilt hafa frá því heimsfaraldurinn hófst falla jafnframt niður. 

Eftir meira en tveggja ára lokun var erlent ferðafólk boðið velkomið að nýju í júní síðastliðinn en með svo miklum takmörkunum og skilyrðum að fáir létu drauminn um Japansferð rætast, eins og Túristi hefur greint frá.

Nú virðast bjartari tímar framundan í japanskri ferðaþjónustu. AP-fréttastofan hafði eftir japanska forsætisráðherranum að blásið yrði til markaðsátaks til að blása nýju lífi í ferðaþjónustuna í landinu og hagstæð ferðakjör yrðu í boði. 

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …