Samfélagsmiðlar

Djöfulleg reið um dásemdarland

Ferðafrömuðir um allt land sjá í hendi sér að einn efnilegasti sproti ferðaþjónustunnar er að laða að hjólreiðafólk - Ísland sé draumaland fjallahjólreiðakappa. Þetta er rækilega staðfest í skemmtilegri grein sem Kevin Rushby ritar í The Guardian um hjólaferð sem hann fór um Austfirði í sumar.

Af vef The Guardian

Greinarhöfundur lýsir því hvernig Ísland, hrjóstrugt og vindasamt, birtist honum um borð í ferjunni frá Færeyjum og hve honum hafi brugðið við að sjá snjó í fjöllum á þessu methitasumri í Evrópu. Hann lýsir því hvernig Ísland komst á ferðakort túristanna, Game of Thrones og Instagram hafi kynt þar undir. „Ein áhrifin hafa orðið að heitir reitir eru núna logandi. Ef foss er lofsunginn eða sjónarhorn fyllist allt af fólki en afgangurinn verður út undan,” segir Kevin Rushby, sem skrifar líflega um þessa ferð sína um brattar, grýttar en ægifagrar slóðir á Austfjörðum. Það sé djöfullega erfið reið að hjóla um landið – en auðvelt að falla fyrir því.

Kevin segist hafa verið varaður við Víknaslóðum – að erfitt gæti verið að hjóla þá leið. „Þann dag uppgötvaði ég mikilvæg sannindi: Ef Íslendingar segja að eitthvað sé erfitt þá er það rétt. Á sama hátt og landið er ekki klætt trjám er fólk ekkert að fegra það sem það segir.”

Þessi enski ferðamaður fer úr einum stað í annan fyrir austan og hreppir veður af ýmsu tagi eins og vænta má en ferðin verður honum augljóslega minnisstæð.

Það kæmi ekki á óvart að um borð í Norrænu næsta sumar verði töluvert fleiri ævintýragjarnir og umhverfisþenkjandi hjólreiðakappar og eins og Kevin Rushby, sem segist eiginlega bara ferðast á innan við 30 kílómetra hraða og hyggist halda því áfram. Svo sé dáyndisgott að taka ferjuna og losna við þrengslin á flugvöllunum. 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …