Markaðsviði norrænu flugfélaganna sjö, sem skráð eru á hlutabréfamarkað, er í dag 299 milljarðar króna og hefur sú upphæð lækkað verulega í ár. Hlutfallslega mest hjá hinu norska Flyr sem hóf flugrekstur á sama tíma og Play í lok júní í fyrra.
Gengi hlutabréfa í Flyr féll um 30 prósent í vikunni eftir að tilkynnt var um verulegan niðurskurð í vetraráætlun. Markaðsvirði félagsins er því aðeins 2,9 milljarðar í dag.
Til samanburðar eru hlutabréfin í Play metin á 11,3 milljarða króna en engar breytingar urðu að genginu í vikunni eins og sjá má hér fyrir neðan.
Helsti keppinautur Play, Icelandair, hækkaði hins vegar um fimm af hundraði og var hástökkvari vikunnar. Reyndar var það bara eitt annað norrænt flugfélag sem er verðmætara í dag en fyrir viku síðan og það er Finnair.