Samfélagsmiðlar

Geta sett flug milli Bretlands og Bandaríkjanna á fullt

Þotur Norse munu verða meira áberandi við bandarískar flugstöðvar á næstunni.

Norwegian var á tímapunkti umsvifamesta evrópska flugfélagið á JFK flugvelli í New York og stórtækt í ferðum til fjölda annarra áfangastaða vestanhafs. Norska félagið var þó farið að hægja aðeins á þegar heimsfaraldurinn hófst sem skrifaðist meðal annars á kyrrsetningu Boeing Max þotanna og endurteknar bilanir á hreyflum Boeing Dreamliner.

Við fjárhagslega endurskipulagningu Norwegian í heimsfaraldrinum var tekin ákvörðun um að losa sig við síðarnefndu flugvélarnar og hætta öllu flug yfir Atlantshafið.

Og nú í sumar tók annað norskt félag, Norse Atlantic, við keflinu en meðal forsvarsmanna þess er Bjørn Kjos, stofnandi og fyrrum forstjóri Norwegian. Norse leigir Dreamliner þotur sem Norwegian var áður með og býður í dag upp á Ameríkuflug frá Ósló, London og Berlín. Félagið ætlar sér þó stærri hluti og sérstaklega í áætlunarflugi frá Bretlandi til Bandaríkjanna.

Liður í þeim áformum var sérstakt flugrekstrarleyfi í Bretlandi og fékkst heimild fyrir því nú í haust. Í morgun tilkynntu svo stjórnendur Norse að hið breska dótturfélag hefði fengið grænt ljós hjá bandarískum samgönguyfirvöldum.

Af því tilefni sagði forstjóri Norse að nú geti félagið fyrir alvöru blandað sér í samkeppnina um farþega á leið yfir Atlantshafið. En eins og lesendur Túrista þekkja þá gera Icelandair og Play einmitt líka út á þennan farþegahóp. Félögin tvö eiga því von á meiri samkeppni frá hinu nýja norska lágfargjaldafélagi næstu misseri.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …