Í ferðaþjónustu á Íslandi hefur lengi verið kallað eftir bættu aðgengi fyrir fatlaða og hreyfihamlaða. Undanfarið hefur því verið unnið að sérstöku fræðslu- og hvatningarverkefni um aðgengismál fyrir ferðaþjónustuaðila.
Verkefnið er samstarfsverkefni Ferðamálastofu, Húsnæðis- og mannvirkjastofnunar, ÖBÍ réttindasamtaka og Sjálfsbjargar, landssambands hreyfihamlaðra.
Þessir aðilar boða nú til málstofu um gott aðgengi í ferðaþjónustu og til að kynna verkefnið. Málstofan verður haldin á Grand hótel Reykjavík (Hvammi), á morgun 27. október kl. 15-16:30.
Sigurður Ingi Jóhannsson innviðaráðherra ávarpar málstofuna en dagskrána má finna hér.