Samfélagsmiðlar

Ný hraðlestartenging milli Lissabon og Porto

Forsætisráðherra Portúgals, António Costa, hefur greint frá áformum um nýja hraðlestartengingu milli Lissabon og Porto, tveggja stærstu borga landsins, sem taka á í notkun árið 2030. Með nýju hraðlestinni styttist ferðatíminn um meira en helming, verður aðeins 75 mínútur.

Frá Porto. Brúin Dom Luís I yfir Douro-ána.

Lissabon er mögnuð borg og þar er margt að sjá og upplifa en auðvitað er líka freistandi fyrir þau sem þangað koma að skoða dálítið meira af landinu í leiðinni, fara í suðurátt að sólarströndum Algarve eða í norður til annarrar stærstu borgar landsins, Porto. 

Góður ferðamáti í Lissabon – Mynd: ÓJ

Það tekur núna rétt um þrjár klukkustundir að ferðast með hraðlest milli borganna tveggja, frá Oriente-stöðinni í Lissabon á Campanhã-stöðina í Porto og fargjaldið fyrir fullorðinn aðra leið er 56 evrur. Nú er boðuð mikil breyting á lestarsamgöngum með nýrri hraðlestartengingu – eigum við að segja ofurlest – sem tekin verður í notkun eftir átta ár, eða 2030, ef áætlanir standast. Þá getur farþeginn þeyst á um 300 kílómetra hraða milli Lissabon og Porto, nær ekki að láta sér leiðast að ráði því ferðin mun aðeins taka klukkutíma og korter. Síðan er ætlunin að lengja þessa lestartengingu upp til Vigo á Spáni, en spænska ríkisstjórnin kynnti einmitt nýlega fyrirætlanir um nýjar hraðlestarlínur sem tengja eiga höfuðborgina Madríd við strandborgirnar Valencia og Alicante. Þau áform koma í framhaldi af nýrri hraðlestartengingu milli Barselóna og Madrídar. Ný framfaraöld er því hafin í lestarsamgöngum á Íberíuskaga.

António Costa, forsætisráðherra, kynnir áformin um nýju hraðlestina – Mynd: Twitter

Áætlaður kostnaður við nýju hraðlestartenginguna milli Lissabon og Porto er um 5 milljarðar evra. Gert er ráð fyrir að lestin komi við í Leiria, Coimbra, Aveiro og Gaia. Eins og áður sagði á síðan að halda áfram í norðurátt og tengjast hraðlestarkerfi Spánar. Markmið portúgölsku ríkisstjórnainnar er að auka samkeppnishæfni landsins með bættum samgöngum – draga að meiri erlenda fjárfestingu, en um leið er verið að bregðast við áskorunum í loftslagsmálum og styrkja byggð í landinu öllu. Þessi væntanlega hraðlestartenging meðfram Atlantshafsströnd Portúgals á örugglega eftir að vekja áhuga ferðafólks, sem þá getur ferðast á enn þægilegri máta en nú milli Lissabon og Porto – og bætt við skoðunarferð um vínræktardalinn magnaða Douro, bakgarð Porto.

Í Douro-dalnum – Mynd: ÓJ

Loftslagsmálin hafa aukið mjög áhuga og vilja ríkisstjórna víða um heim til að efla lestarsamgöngur. Hækkanir á verði eldsneytis eftir innrás Rússa í Úkraínu hefur ýtt undir viðleitni til að nýta betur lestarsamgöngur. Frakkar bönnuðu stutt innanlandsflug ef komast má með lest milli viðkomandi staða á innan við tveimur og hálfri klukkustund. Þá heppnaðist með ágætum tilraun Þjóðverja í sumar með því að bjóða lestarferðir á níu evrur.

Ekki þarf að hafa mörg orð til að sannfæra Portúgala um mikilvægi aðgerða vegna loftslagsbeytinga. Þjóðin er minnt á það nú á hverju sumri með miklum hitum og skógareldum að bregðast verður skjótt við. 

Gróðureldar í Portúgal í sumar – Mynd: ÓJ
Nýtt efni

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …

Útlit er fyrir að það hægist aðeins um í ferðaþjónustunni á þessu ári miðað við hraðan vöxtinn á síðasta ári. Ísland endurheimti ferðafólkið hraðar eftir heimsfaraldurinn en flest önnur lönd en nú er hægari gangur í bókunum. Þar hafa eldsumbrotin á Reykjanesskaga sín áhrif en hátt verðlag hér á landi fælir líka einhverja frá. Á …