Samfélagsmiðlar

Sjá tækifæri í farþegaflugi milli Grikklands og Bandaríkjanna

Íslenskir ferðamenn verða mögulega fleiri í Aþenu næsta sumar en verið hefur.

Play hóf fyrr í dag sölu á flugmiðum til Aþenu, höfuðborgar Grikklands. Flogið verður tvisvar í viku, á mánudögum og föstudögum, frá 2. júní og út október. Þetta verður í fyrsta sinn sem beint áætlunarflug á milli Íslands og Aþenu er á boðstólum en það tekur um sex klukkustundir að fljúga þessa leið.

Þotur Play munu leggja í hann til Grikklands klukkan sex að morgni og lendir þotan rétt fyrir kaffileytið á flugvellinum í Aþenu. Heimferðin er ekki á dagskrá fyrr en klukkan morguninn eftir. Áhafnir Play munu því dvelja úti yfir nóttina samkvæmt upplýsingum frá flugfélaginu.

Með þessu fyrirkomulagi getur Play boðið íbúum Aþenu upp tengiflug frá Keflavíkurflugvelli til Bandaríkjanna seinni part dags og Bandaríkjamenn á leið til Grikklands komast þangað eftir næturflug til Íslands frá austurströnd Bandaríkjanna.

Fyrirkomulagið er því annað en í ferðum Play til Lissabon og Portúgal því þar gefst Portúgölum ekki færi á einfaldri tengingu við Ameríkuflug Play.

Stærstu flugfélög Bandaríkjanna bjóða upp á flug Aþenu frá borgum eins og New York, Boston og Chicago. Þessi félög eru oftast með daglegar ferðir til grísku höfuðborgarinnar en sem fyrr segir lætur Play tvær í viku duga.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …