Samfélagsmiðlar

Svona hefur verðið á jólafluginu til Tenerife þróast

Farþegi sem bókaði fyrir fjórum vikum síðan flug til Tenerife stuttu fyrir aðfangadag borgaði töluvert minna en sá sem gerir slíkt í dag.

Áramót á Tenerife.

Íslendingar hafa fjölmennt til Tenerife í miklu meira mæli í ár en dæmi eru um og stjórnendur flugfélaga og ferðaskrifstofa vonast til að straumurinn liggi áfram til spænsku eyjunnar. Framboð á flugi þangað fyrir jólin verður til að mynda mun meira en áður. Gert er ráð fyrir um þrjátíu brottförum frá Keflavíkurflugvelli dagana 13. til 23. desember og tveimur frá Akureyri.

Hjá ferðaskrifstofunum er áherslan lögð á að selja fólki pakkaferðir þar sem flug, hótel og fleira er innifalið. Icelandair, Play og Niceair einblína á flugferðina sjálfa og af þróun fargjalda að dæma þá seljast sætin best í ferðirnar stuttu fyrir jól.

Hjá Icelandair hafa ódýrustu fargjöldin dagana 21. og 22. desember hækkað umtalsvert síðustu fjórar vikur eins og sjá má hér fyrir neðan og Play hefur bætt við brottför á Þorláksmessu frá síðustu verðkönnun Túrista.

Brottför Niceair þann 21. desember er uppseld en sæti í vélinni sem fer fjórum dögum fyrr kostar 73.660 kr.

Í verðsamanburðinum í þessari grein er eingöngu horft til þess hvað það kostar að fljúga til Tenerife. Er þetta gert til einföldunar þar sem úrval af heimferðum er minna. Flugið út verður því lægra en hér kemur fram ef heimferðin er bókuð á sama tíma.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …