Það voru nokkru færri sem nýttu sér ferðir íslensku flugfélaganna í september en það gerðu mánuðinn á undan. Hjá Icelandair fækkaði farþegunum um fjórðung og hjá Play nam samdrátturinn 15 prósentum. Hjá hinum norrænu flugfélögunum var breytingin ekki eins mikil milli mánaða líkt og sjá má hér fyrir neðan.
Óseldu sætin er aftur á móti hlutfallslega færri hjá Icelandair, Play og Norwegian. Hjá Norse var nærri annað hvert sæti tómt í september en á bæ hefur dagskrá vetrarins líka verið skorin niður og það sama á við um Flyr.
Og segja má að ástandið hjá SAS sé ennþá alvarlegra því stjórnendur þess reyna nú að fá skjól hjá bandarískum dómstólum til að ráðast í fjárhagslega endurskipulagningu. Gangurinn Finnair er heldur ekki góður því rekstur félagsins gengur út á tíðar ferðir frá Helsinki til Austurlanda fjær. Núna er leiðin yfir Rússland lokuð og sóttvarnaraðgerðir í Kína koma illa niður á rekstrinum. Það er því verulegur niðurskurður framundan hjá félaginu og til að mynda stendur til að fækka stjórnendum og skrifstofufólki umtalsvert.