Samfélagsmiðlar

Áfram himinhá verðbólga í Bretlandi

Verðlag í Bretlandi heldur áfram að hækka en íslensk ferðaþjónusta á mikið undir því að Bretar fjölmenni hingað næstu mánuði.

Nú er að renna upp sá árstími þegar Bretar streyma til Íslands en í byrjun hvers árs eru þeir vanalega langfjölmennastir í hópi ferðamanna hér á landi. Í janúar og febrúar árið 2020, stuttu fyrir heimsfaraldur, flugu héðan 71 þúsund Bretar en til samanburðar voru bandarísku túristarnir helmingi færri.

Þá var efnahagsástandið í Bretlandi mun betra en það er í dag en samkvæmt tölum sem breska hagstofan birti nú í morgunsárið þá jókst verðbólga þar í landi um 11,1 prósent í október. Þetta er meiri vöxtur en spáð hafði verið. Aukningin skrifast helst á hærra orku- og matvælaverð samkvæmt því sem segir í tilkynningu bresku hagstofunnar.

Þar kemur fram að verð á mat og óáfengum drykkjum hefur hækkað um 16,4 prósent í ár og leita þarf aftur til áttunda áratugarins til að finna álíka hækkanir innan ársins. Kostnaður við rekstur breskra heimila hefur aukist verulega í ár eða um 11,7 prósent.

Hvaða áhrif þessar verðlagshækkanir heima fyrir hafa á ferðalög Breta til Íslands kemur í ljós á næstu mánuðum. Í október sl. flugu héðan 24 þúsund breskir farþegar sem er aukning um þrjú þúsund manns frá sama mánuði árið 2019 og á pari við október 2018. Ennþá er því ekki að sjá á tölfræðinni að versnandi efnahagsástand dragi úr ferðum Breta hingað til lands.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …