Samfélagsmiðlar

Bláa lónið á hlutabréfamarkað

Bláa lónið er einn þekktasti viðkomustaður ferðamanna á Íslandi.

Eitt allra stærsta ferðaþjónustufyrirtæki landsins, Bláa lónið, verður skráð á hlutabréfamarkað á næsta ári að öllu óbreyttu. Þetta herma heimildir Túrista en seinnipartinn í dag koma hluthafar fyrirtækisins saman og er uppi hávær orðrómur um að þar verði skráning í Kauphöll til umræðu.

Árlega heimsækja Bláa lónið á aðra milljón gesta en við lónið sjálft hefur verið byggð upp fjölþætt þjónusta síðustu ár, þar eru til að mynda tvö hótel, veitingastaðir og verslanir. Rekstur fyrirtækisins skilaði jákvæðri afkomu í áratug fram að heimsfaraldri en var rekið með tapi árin 2020 og 2021 þegar lokað þurfti í hálft ár. Veltan í fyrra nam um 7 milljörðum kr. en var 17 milljarðar kr. árið 2019.

Ef af áformum um skráningu Bláa lónsins verður þá stefnir í að ferðaþjónustufyrirtækjunum í Kauphöllinni fjölgi töluvert á næstu misserum. Eigendur Íslandshótela og Arctic Adventures horfa nefnilega einnig til skráningar á hlutabréfamarkað.

Í dag eru Icelandair og Play einu ferðaþjónstufyrirtækin í Kauphöllinni en ljóst má vera að batnandi staða ferðaþjónustunnar hefur jákvæð áhrif á fjölda fyrirtækja sem eru á hlutabréfamarkaði. Þetta hefur komið skýrt fram í uppgjörum banka, fasteignafélaga og verslunar- og iðnaðarfyrirtækja að undanförnu.

Viðbót: Bláa lónið sendi út tilkynningu seinni partinn í dag þar sem segir að stefnt sé að skráningu á næsta ári en endanleg ákvörðun sé „háð framvindu undirbúningsvinnu og eftir því sem markaðsaðstæður leyfa.“

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …