Icelandair frestar áformum um flug milli Akureyrar og Keflavíkurflugvallar

„Við viljum ná betri tökum á ýmsum verkefnum í innanlandsfluginu áður en við víkkum starfsemina út. Það er býsna flókið að setja upp nauðsynlega starfsemi á Akureyri. Við viljum undirbúa þetta vel. Aðfangakeðjur eru flóknari en fyrir heimsfaraldur og við þurfum að taka mið af því.“

_{Fyrirhugaður komusalur millilandaflugs á Akureyrarflugvelli – MYND: ÓJ}

Er þessi ákvörðun tekin vegna vandræða með flugvélar eða eru einhverjar sérstakar hindranir á flugvöllunum á Akureyri og í Keflavík?

„Nei, við tökum þessa ákvörðun út frá heildarmyndinni. Við stöndum frammi fyrir ýmsum flóknum verkefnum og vildum undirbúa þetta betur áður en við færum af stað. Gera þetta vel frá upphafi. Við finnum til ábyrgðar gagnvart innanlandsfluginu og viljum koma því vel á laggir áður en við hefjum flug milli Akureyrar og Keflavíkurflugvallar, sem er mun flóknara verkefni.

Við erum eftir sem áður mjög spennt fyrir þessari tengingu. Teljum að í henni felist mikil tækifæri, bæði fyrir íbúana fyrir norðan, sem geti vaknað á svipuðum tíma og höfuðborgarbúar til að komast í flug frá Keflavík, en það er ekki síður ábyrgðarhluti að dreifa ferðafólki betur um landið. Við teljum að þetta fyrirhugaða flug verði mikilvægt í því sambandi.“

Það er viðbúið að þessi seinkun valdi vonbrigðum á Norðurlandi.

„Já, það má búast við því. Eftir sem áður eru góðar tengingar í gegnum Reykjavíkurflugvöll. Með samþættingu á flugi Icelandair og innanlandsflugi Air Iceland Connect bauðst fólki að kaupa einn flugmiða út í heim. Við ábyrgjumst þannig ferðalagið í heild.“

En ferðalagið verður óneitanlega tímafrekara með því að innanlandsflugvélar lendi í Reykjavík en ekki í Keflavík.

„Jú, og þess vegna erum við spennt að geta boðið þennan nýja möguleika vorið 2024.“

Þið eruð sem sagt ekki hætt við.

„Nei, alls ekki.“

Þrjú skemmtiferðaskip með rúmlega sjö þúsund farþega

Meira en sjö þúsund farþegar hafa streymt til og frá Sundahöfn í Reykjavík á einum annasamasta skipakomudegi ársins. Þrjú skemmtiferðaskip liggja við bryggju. Umferðarstýring hefur verið bætt á hafnarsvæðinu og farþegum bjóðast fleiri flutningsmöguleikar. Það eru rútur af ýmsum gerðum frá mörgum ferðaþjónustufyrirtækjum sem sækja farþega skipanna í skipulagðar ferðir. Einnig eru í boði ferðir … Lesa meira

Icelandair til Færeyja og flugfélag heimamanna til Bandaríkjanna

Icelandair ætlar að hefja flug til Færeyja þann 1. maí á næsta ári og verður ferðunum haldið úti fimm til sex sinnum í viku út október. Flogið verður til Færeyja að morgni dags frá Keflavíkurflugvelli og farþegar geta því tengt ferðirnar við flug Icelandair til og frá Bandaríkjunum. Þjóðarflugfélag Færeyja, Atlantic Airways, er einmitt að … Lesa meira

Evrópusambandið kynnir fjármagnaða aðgerðaáætlun í geðheilbrigðismálum

Markmið Evrópusambandsins er að hugað verði að geðheilsu til jafns við líkamlega heilsu. Kynnt hafa verið 20 verkefni á sviði geðheilbrigðismála og því lýst hvernig eigi að fjármagna þau með 1,2 milljarða evra framlögum úr sjóðum sambandsins. Talið er miklu kostnaðarminna að grípa til aðgerða en að gera ekki neitt.

Velgegni Play snýst ekki um að Icelandair gangi illa

Farþegar sem millilenda hér á landi á leið sinni yfir Atlantshafið eru Icelandair og Play mikilvægir. Stjórnendur félaganna horfa þó í meira mæli til fólks á leið í Íslandsferð og hjá Icelandair vegur sá hópur mun þyngra í dag. Forstjóri Play segir skiptinguna í sumar verða aðra.

„Hefur skort hleðsluinnviði og fyrirsjáanleika“

„Loksins þegar allur almenningur ætti að geta eignast rafbíl þá koma nýir skattar í veg fyrir það. Þetta eru röng skilaboð," segir Jón Trausti Ólafsson, framkvæmdastjóri Öskju. Hann gagnrýnir að á Íslandi hafi skort samhæfða stefnu stjórnvalda um hvernig standa eigi að rafbílavæðingunni. Það vanti allan fyrirsjáanleika.

Icelandair frestar áformum um flug milli Akureyrar og Keflavíkurflugvallar

Forráðamenn Icelandair hafa ákveðið að fresta til vorsins 2024 að hefja áætlunarflug milli Akureyrar og Keflavíkurflugvallar. Tómas Ingason, framkvæmdastjóri leiðakerfis og sölu, segir verkefnið hafa verið flóknara en búist var við.

Þrjú skemmtiferðaskip með rúmlega sjö þúsund farþega

Icelandair til Færeyja og flugfélag heimamanna til Bandaríkjanna

Play stækkar hraðast og með þéttsetnustu þoturnar

Evrópusambandið kynnir fjármagnaða aðgerðaáætlun í geðheilbrigðismálum

Knúin orku sólar og vinds inn í framtíðina

Velgegni Play snýst ekki um að Icelandair gangi illa

Minna skrifstofupláss

„Hefur skort hleðsluinnviði og fyrirsjáanleika“