Samfélagsmiðlar

Nýju flugfélögin fá meira fé

Undir lok heimsfaraldurs hófu þrjú norræn flugfélög starfsemi. Tvö í Noregi og eitt íslenskt. Nú hafa stjórnendur þeirra allra óskað eftir auknu hlutafé með stuttu millibili.

Áhöfn Norse fyrir framan eina af Boeing Dreamliner þotum félagsins.

Hlutabréf í norska flugfélaginu Norse féllu um þrjátíu prósent um leið og Kauphöllin í Ósló opnaði í morgun. Skýringin á þessu liggur í tilkynningu sem stjórnendur Norse sendu út eftir lokun markaða í gær en þar kom fram að hlutafé í félaginu hefði verið aukið um 300 milljónir norskra króna eða 4,3 milljarða íslenskra króna.

Þessi hlutafjáraukning er ekki í takt við fyrri yfirlýsingar Bjørn Tore Larsen,forstjóra og stofnanda félagsins, sem fyrir tveimur mánuðum síðan fullyrti að engin þörf væri fyrir meira fé.

Þeir fjárfestar sem tóku þátt í hlutafjáraukningu gærdagsins fengu verulegan afslátt því gengið í þeim viðskiptum var 2,5 norsk króna á hlut. Það er fjörutíu prósent lægra verð en bréfin í Norse voru seld fyrir á markaði í gær. Lækkun hlutabréfanna í morgun endurspeglar því þennan mikla afslátt sem gefin var í hlutafjárútboðinu í gær.

Norse er ekki eina norræna flugfélagið sem sótt hefur aukið fé til fjárfesta nú í byrjun vetrar. Hitt nýja norska flugfélagið, Flyr, þurfti einnig á innspýtingu að halda og fékk mun minna fé en þörf var á.

Og framundan er líka hlutafjáraukning hjá Play en stærstu hluthafar félagsins skuldbundu sig þann 3. nóvember til að leggja félaginu til 2,3 milljarða króna. Almennum fjárfestum býðst að kaupa hlutabréf fyrir 1 milljarð króna til viðbótar. Útboðsgengið er 14,6 krónur á hlut en í dag fást bréfin í Play fyrir mun minna eins og sjá má línuritinu hér fyrir neðan.

Þeir sem taka þátt í útboðinu fá því ekki sambærilegan afslátt við það sem Norse bauð sínum hluthöfum. En reyndar fylgja áskriftarréttindi bréfunum í Play sem nýtanleg verða í ársbyrjun 2024.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …