Samfélagsmiðlar

Portúgal lokkar Bandaríkjamenn

Þeim fjölgar stöðugt sem stunda fjarvinnu og flytjast jafnvel búferlum til annarra landa. Sífellt fleiri Bandaríkjamenn horfa í þessum efnum til Portúgals, sem í þeirra huga býður upp á kalifornískan lífsstíl.

Brýningarmaður í Lissabon

Brýningarmaður í Lissabon með hreyfanlega starfsstöð

Heimsfaraldurinn breytti hugsunarhætti margra. Fólk sækist í vaxandi mæli eftir hægari takti og friðsælli tilveru, vill ekki fara aftur í sömu hjólförin og fyrir faraldurinn: ferðast milli heimilis og vinnustaðar alla virka daga árið um kring. Það vill forðast stressið og halda áfram að vinna heima, eins og það komst á bragðið með að gera fyrir faraldurinn. Margir hafa auðvitað ekkert val. Þurfa að mæta á tiltekinn vinnustað. En það á ekki við um þá sem eru í störfum sem hægt er að sinna að mestu við nettengda tölvu. 

Sporvagn í Lissabon – MYND: ÓJ

AFP-fréttastofan segir frá vaxandi áhuga Bandaríkjamanna á búsetu í Portúgal. Nathan Hadlock, frumkvöðull, segir að hann og sambýlingurinn hafi óskað sér rólegri tilveru og sett saman lista með tíu borgum sem til greina kom að flytjast til. Lissabon hafi orðið ofan á þar sem borgin uppfyllti flestar óskir þeirra. Jonathan Littman, viðskiptamaður frá Kaliforníu, segist á vissan hátt líta á Portúgal sem Kaliforníu í Evrópu. „Heimsfaraldurinn opnaði augu manns fyrir því að hægt væri að búa á hinum og þessum stöðum í heiminum. Það tekur mig aðeins tíu klukkustundir að ferðast hingað og þá er ég kominn í annan heim.”

Vinna og strandlíf í Cascais í Portúgal – MYND: ÓJ

Bandaríkjamenn kunna að meta veðráttuna og matinn í Portúgal og njóta líka góðs af sterkum dollar þegar kemur að framfærslu í Portúgal. Það eru þó ekki síst ný viðmið varðandi vinnuframlag og starfsstöðvar sem fá þá til að hleypa heimdraganum. 

Að sögn portúgalsks ráðgjafa þá eru margir Bandaríkjamenn sem flytjast til Portúgals svokallaðir stafrænir hirðingjar, sem kunna vel við sig nærri ströndinni. Þá vilji margar bandarískar fjölskyldur að börnin sæki evrópska háskóla. Loks eru í þessum hópi eftirlaunaþegar sem selja allar sínar eigur heima í Bandaríkjunum og flytjast til Portúgals. 

Enn eru þó aðeins sjö þúsund Bandaríkjamenn búsettir í Portúgal en komum þeirra til landsins fjölgar hratt, eru þegar orðnar tvöfalt fleiri en árið 2018. 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …