Það voru 159 þúsund útlendingar sem fóru í gegnum vopnaleitina á Keflavíkurflugvelli í október en talningin sem þar fer fram notuð til að leggja mat á fjölda ferðamanna hér á landi. Af þessum hópi útlendinga voru 52 þúsund bandarískir farþegar eða þriðjungur af heildinni. Til samanburðar var vægi Bandaríkjamanna 31 prósent í október árið 2018 en þá flugu héðan 200 þúsund útlendingar og þar af 61 bandarískir.
Hópur franskra ferðamanna hér á landi í síðasta mánuði var hins vegar fámennur og taldi rétt um 4.200 manns. Leita aftur til ársins 2015 til að finna færri Frakka hér á landi í októbermánuði en eins og gefur að skilja eru Covid-árin 2020 og 2021 ekki tekin með í þennan samanburð.
Sem fyrr er vöxturinn einna mestur í fjölda ítalskra ferðamanna en í október komu hingað nærri tvöfalt fleiri Ítalir en á sama tíma árið 2019 eins og sjá má hér fyrir neðan.